TOKHA LIVE
नविना श्रेष्ठ
टाेखालाइभ डट कम/भाद्र १९,२०७८
राष्ट्रिय युवा संघले टोखामा ४३ सदस्य नगर कमिटी गठन गरेको छ। हिजो काठमाडौ भाद्र १८ गते नेकपा एमाले टोखा नगरपालिका कमिटिको आयोजनामा भएको युवा भेलाले अमर डङ्गोलको संयोजकत्वमा ४३ सदस्यीय राष्ट्रिय संघ नेपाल समिति गठन गरेको हो। कार्यक्रम टोखा वडा नं ३ सद्भाव पार्टी प्यालेसमा गरेको थियो।
भेलामा प्रमुख अतिथि नेकपा एमालेका महासचिव ईश्वर पोखरेल रहेका थिए। भेलालाई सम्बोधन गर्दै ईश्वर पोखरेलले जनताको विकासको लागि राजनीति पार्टी एमाले भएको र उहाँको अहिले सभामुखको भूमिका नभएर गुरुला भएको आरोप लगाए र एमाले जनताको तथा राष्ट्रको लागि सधैं भरी यसरी नै काममा लागि रहने बताए।
भेलामा सम्बोधन गर्दै टोखा नगरपालिकाका मेयर अधिकारीले अबको निर्वाचनमा नेकपा एमाले पहिलो पार्टी हुने र जनताको विश्वास अनुसार काम गर्दै अघि बढ्ने बताए। बिशेष अतिथि राष्ट्रिय युवा सङ्घ नेपालका अध्यक्ष किरण पौडेलले ४३ सदस्यीय नगर कमिटीको नाम घोषणा गरेका थिए।
कार्यक्रममा नेकपा एमालेका विभिन्न तहका नेता कार्यकर्ताहरुमा विशेष अतिथिहरुमा राष्ट्रिय युवा सङ्घ नेपालका अध्यक्ष किरण पौडेल, बागमती प्रदेशका इन्चार्ज एवं संगठनका उपाध्यक्ष अमित लामा, नगरपालिकाका नगर उपप्रमुख एवं नेकपा एमालेको नेत्री ज्ञान माया डंगोल,टाेखा नगर कमिटीका अध्यक्ष सत्यनारायण डंगोल र पार्टी जिल्ला कमिटी सदस्यहरूको उपस्थिति रहेको थियो। कार्यक्रममा जनप्रतिनिधि र शाखा कमिटीको अध्यक्ष सचिवहरूको पनि उपस्थित रहेको थियो। कार्यक्रमको अध्यक्षता नेकपा एमाले टोखा नगर कमिटीका अध्यक्ष सत्यनारायण डंगोलले गर्नुभएको थियो।
अध्यक्ष प्रकाशक तथा सम्पादक
सानुराज डंगोल
सूचना विभाग दर्ता प्रमाण पत्र नं- २३६५/
०७७-७८
