TOKHA LIVE
टाेखालाइभ डट कम/ भदौ १९,२०७९
काठमाडौं । काठमाडौं महानगरपालिकामा अवैध संरचना भत्काउने र पार्किङ भनिएका ठाउँहरुमा पसल, होटलहरु खाली गराउने कार्य थालनी भएपछि देशका मुख्य शहर र नगरहरुमा अहिले व्यापक कार्यको थालनी भएको छ ।
यसै सिलसिलामा टोखा नगरपालिकाले सरकारी जग्गा हडपेर व्यक्तिगत प्रयोग गर्नेहरुलाई नगर कार्यपालिकाको बैठकको यहि भदौ ९ गतेको निर्णयअनुसार ३५ दिने सार्वजनिक सूचना निकालिसकेको छ । ३५ दिनभित्र अतिक्रमित सरकार तथा सार्वजनिक जग्गा खाली गराउन सबै वडाकार्यालयहरुलाई सूचना टाँस्न नगरले ११ वटै वडामा निर्देशन दिइसकेको छ ।
सार्वजनिक जग्गालाई हडपी घरटहरा तथा कम्पाउण्डमा बारलगाई राखेका जग्गाहरुलाई ३५ दिनभित्र खाली नगरले नगरपालिकाको कानुनअनुसार छुट्याइने नगरपालिकाको प्रमुख प्रशासकिय अधिकृत शंकरराज पाठकले बताउनुभयो ।
यस विषयमा नगर प्रमुख प्रकाश अधिकारीले भने सार्वजनिक जग्गा कसैलाई पनि हड्प्न नदिने बताउनुभयो ।
दलबाट निर्वाचित जनप्रतिनिधिलाई यो वा त्यो नभनी जनताको समर्थन र सहयोग साथ पाएमा सार्वजनिक जग्गाहरुको तथ्याङ्क संकलन गरी हड्प्नेहरुमाथि धमाधम कारवाही गर्न सके स्थानीय सरकार जनताको पक्षमा रहेछ भन्ने उदाहरण टाेखा वासीले प्रत्यक्ष अनुभव जनताले महसुस गर्नेछन् । काठमाडौंमा मेयर बालेनको डाेजर हेरिरहेका जनता टाेखामा त्यो दृश्यको अनुभुति गर्न हेर्नको लागि २५ दिने काउनडाउन सुरु भैसकेको छ।
अध्यक्ष प्रकाशक तथा सम्पादक
सानुराज डंगोल
सूचना विभाग दर्ता प्रमाण पत्र नं- २३६५/
०७७-७८
