वर्षाका कारण एनपीएलको खेल रद्द, लुम्बिनी र चितवनले अंक बाँडे

काठमाडौं । राजधानीमा जारी नेपाल प्रिमियर लिग (एनपीएल) को तेस्रो संस्करणअन्तर्गत आज हुने भनिएको लुम्बिनी लायन्स र चितवन राइनोजबीचको खेल वर्षाका कारण रद्द भएको छ ।

त्रिवि अन्तर्राष्ट्रिय क्रिकेट मैदान कीर्तिपुरमा भारी वर्षाका कारण मैदान जलमग्न भएपछि टससमेत हुन नपाई खेल रद्द भएको हो ।

खेल रद्द भएसँगै दुवै टोलीले एक–एक अंक बाँडेका छन् । अंक बाँडेसँगै लुम्बिनी लायन्स तीन अंकसहित दोस्रो स्थानमा उक्लिएको छ भने समान तीन अंक जोडेको चितवन राइनोज तेस्रो स्थानमा रहेको छ ।

आजै साँझ ५ बजे सुदूरपश्चिम रोयल्स र विराटनगर किंग्सबीच दोस्रो खेल हुने तालिका छ । वर्षा रोकिएमा कम्तीमा पाँच–पाँच ओभरको खेल भए पनि सञ्चालन गर्ने नेपाल क्रिकेट संघ (क्यान)ले जनाएको छ ।

एक खेलमा जित र अर्को खेलमा हार बेहोरेको सुदूरपश्चिम तेस्रो खेलमा मैदान उत्रने तयारीमा छ । यता, तेस्रो खेल खेल्न लागेको विराटनगरले यसअघिका दुवै खेलमा पराजय बेहोरेको छ ।

प्रतियोगितामा लगातार दुई खेल जितेको कर्णाली याक्स चार अंकसहित शीर्ष स्थानमा रहेको छ । एक खेल खेलेको पोखरा एभेन्जर्स भने अंकविहीन हुँदै तालिकाको पुछारमा रहेको छ ।

सम्बन्धित खवर

प्रहरी धरपकड र पक्राउविरुद्ध पत्रकारहरु सडकमा

‘काठमाडौं कथा नै कथामा बाँचेको सहर हो’ : कार्यवाहक प्रमुख डंगोल

तिहार फ्लोरा एक्स्पो कात्तिक १७ देखि, ७३ स्टल रहने

२०८३ कार्तिक १३, शुक्रवार

समाचारकै विषयमा प्रहरी परिचालन गर्नुको सट्टा काउन्सिलमार्फत समाधान खोज्न सरकारलाई काउन्सिलको आग्रह

नेपालको पहिलो ‘एडभान्स स्ट्रोक सेन्टर’को मान्यता पाएको ग्राण्डीमा ‘विश्व स्ट्रोक दिवस’ मनाइयो  

क्रिकेट खेल्न मन पर्ने भएकाले दबाबभन्दा पनि खेलको मज्जा लिने गर्छु :सोमपाल कामी