TOKHA LIVE
टाेखालाइभ डट कम/ चैत्र २४,२०७८
काठमाडौ । रत्न राज्यलक्ष्मी क्याम्पसबाट नेपाल भाषामा पीचडी गर्ने विद्यार्थीलाई काठमाडाैं महानगरपालिकाले आर्थिक सहयाेग गर्ने भएकाे छ । क्याम्पसमा नेपाल भाषा एमएस तहमा समावेशी गराउनमा विशिष्ट योगदान पुर्याएबाट कामपाका शिक्षा विभाग प्रमुख रामप्रसाद सुवेदी, क्याम्पसका कर्मचारीलाई सम्मान गर्ने क्रममा उक्त जानकारी दिइएकाे हाे ।
कार्यक्रममा नेपालभाषा व नेपाली भाषा विभागका विभागीय प्रमुख विष्णु प्रसाद ज्ञवालीले ‘नेपाल भाषा एमए तहको कक्षा विद्यार्थीको उपस्थितिमा निरन्तर सञ्चालन भइरहेको जनाउँदै कक्षा व्यवस्थापन चुनौति भएता पनि आगामी दिनमा कक्षा व्यवस्थित गर्दै जाने धारणा राख्नुभयाे ।
पूर्व क्याम्पस प्रमुख प्राडा निर्मला सुवालले ‘यस क्याम्पसा केही वर्ष अगाडि बिए तहमा नेपाल भाषा अध्ययन गर्ने विद्यार्थी नभएपछि कक्षा बन्द भयो । त्यसपछि त्रिवि नीति नियम अनुसार १० जना नेपाल भाषा पढ्ने विद्यार्थी भएपछि बिए तहको नेपाल भाषा कक्षा सञ्चालन गरिएको जनाउँदै नेपाल भाषा अभियान्ता विद्यार्थीहरुकै पहलमा कामपा र क्याम्पससित समन्यवपश्चात एमए नेपाल भाषा कक्षा निरन्तर सञ्चालन भएकोप्रति खुशी प्रकट गर्दै शुभकामना व्यक्त गर्नुभयाे ।
एमए नेपाल भाषाका पहिलो ब्याचका विद्यार्थी हरिकृष्ण महर्जनका अनुसार पाटन क्याम्पसभ भन्दा पनि नजिक स्थान दुरी नजिक तथा अध्ययन गर्न सहज भएकाले नेपालभाषाबाट उच्च शिक्षा हासिल गर्नका लागि आरआर क्याम्पस रोज्नुभएकाे हाे ।
कार्यक्रममा प्राडा नेपाल भाषा शिक्षक प्राडा चन्द्रमान बर्जाचार्यले क्याम्पसमा एमए तहको नेपाल भाषा समावेशी गराउनमा जुन विचार आयो विद्यार्थीहरुको महत्वपूर्ण योगदान रहेको जनाउँदै आफूले गाइडका रुपमा कार्य गरेको जनाउँदै नेवाः विद्यार्थीया युनियनका अध्यक्ष रीदेन महर्जन, सचिव प्रशान्त डंगोलकाे त्याग, तपस्याबाट उपलब्धी हासिल भएकाे जनाउनुभयाे ।
साथै उपत्यकाका स्थानीय सरकारका प्रत्येक वडाबाट नेपाल भाषाको सम्बद्ध, प्रबद्धन गर्नका लागि विशेष ध्यान दिनुपर्नेमा जोड दिनुभयाे । कार्यक्रमका अतिथि जन गायक रामकृष्ण दुलालले आफ्नो गायन प्रस्तुत गरेर कार्यक्रम सानो भए तापनि अत्यन्त महत्वपूर्ण रहेको जनाउँदै नेपालको आन्दोलनमा सबै जातिलाई चेतना दिलाउनका लागि ‘गाउँ गाउँ बस्ती जागरण गीतलाई नेपाल भाषा लगायत विभिन्न भाषामा विभिन्न भाषा उल्था गिएको बताउनुभयाे ।
नेवाः विद्यार्थी युनियनका सचिव प्रशान्त डंगोलले ‘अहिलेसम्म नेपालभाषी विद्यार्थीका लागि चाहिने पाठयसाम्रगी प्रयाप्त मात्रामा रहेको छैन, क्याम्पस प्रशासनबाट बिएचडब्लु, बिसिए विषय लगायतका विषयको विज्ञापन गरेर प्रोत्साहन गरेझै नेपालभाषा विषयको विज्ञापन गराउन क्याम्पस प्रशासनले प्रोत्साहन तथा सबैले रचनात्मक भूमिका खेलेको खण्डमा विद्यार्थी संख्या बढाउन समस्या नआउने जनाउँदै नेपाल भाषा पुनर्स्थापनामा गुरुवर, अभियन्ताहरुको योगदान रहेको जनाउँदै नेपाल भाषा कक्षा निरन्तरताका लागि सम्पूर्ण मातृभाषा सेवीहरुले योगदान दिनु पर्ने बताउनुभयाे।
नेपाल भाषा एमए समावेशी गराउन महत्वपूर्ण योगदान दिएको कदर स्वरूप कामपाका शिक्षा विभागका प्रमुख अतिथि रामप्रसाद सुवेदीलाई क्याम्पसका प्रमुख जीवनधर ज्ञवालीले सम्मान पत्र प्रदान गरिएको कार्यक्रममा प्रमुख अतिथि सुवेदीले कामपाको स्थानीय तहमा नेपाल भाषा समावेशी गराउने कार्य भएपश्चात आरआर क्याम्पसमा नेपालभाषा एमएमा समावेशी गराउने कार्य एउटा उर्जाका रुपमा कार्य भएको जनाउँदै नेपाल भाषाबाट पिएचडी गर्नेलाई कोषको व्यवस्था गरिएको जानकारी दिनुभयाे ।
आरआर क्याम्पसका प्रमुख एवम् सभापति प्राडा जीवनधर ज्ञावलीले नेपालभाषा एमए सेमेष्टरमा सबै भन्दा अंक ल्याएर उत्तीर्ण मध्ये १–१ जना छात्रछात्रालाई १० प्रतिशत मेरिट बेसको आधार छात्राबृति दिने बताउनुभयाे ।
सो अभियान सम्पन्न गर्नमा नेवाः विद्यार्थी युनियनका रितेश मल्ल, सुरोज तन्डुकार, श्रृजनमान श्रेष्ठ, मनिषकुमार श्रेष्ठ, सुमितदास रञ्जित, सुनिल महर्जन, किरण महर्जन, महेश्वर श्रेष्ठ, सिवराम मुनिकार लगायत अभियन्ताहरुको पनि विशेष भूमिका रहेको थियो ।
अध्यक्ष प्रकाशक तथा सम्पादक
सानुराज डंगोल
सूचना विभाग दर्ता प्रमाण पत्र नं- २३६५/
०७७-७८
