विज्ञप्तीले टोखामा ढुँगा छाप्ने कार्य रोकियो:

टाेखा लाइभ, जेठ २८ काठमाडौं : नेपाल मजदुर किसान पार्टी टोखा नगर समितिका अध्यक्ष क.रवीन्द्र डंगोलको नेतृत्वमा टोखा नगरपालिकाको कार्यालय र वडा नं.२ र ३ को साथै टोखा नगरपालिका मैजुहिटीका प्रमुख प्रकाश अधिकारी समक्ष ज्ञापनपत्र बुझाउने कार्यक्रम मंगलवार सम्पन्न भयो। हाल टाेखा मू: ध्वाखा देखि गणेशथानसम्म ढुङ्गा छाप्ने काममा नगरपालिकाले कमसल ढुङ्गा छापेको भन्दै स्थानीयले असहमति जनाउदै ब्यापक विरोध गर्दै आइरहेको थियो। उक्त कार्यक्रममा ऐक्यवद्धता जनाई सहभागी हुने मु:ध्वाखा टोल विकास संस्था, नेपाल भाषा युवा क्लव, लियो क्लब अफ काठमाडौं टोखा, बाल बिकास क्लब, नेवा ग्वाहाली पुच:, हलि नेवा गुठी टोखाका सम्पूर्ण महानुभावहरुलाई नेपाल मजदुर किसान पार्टी टोखा नगर समितिले हार्दिक धन्यवाद व्यक्त गरेको जनाएको छ।

टोखा वडा नं २ र ३ ले गर्न रोक्न नसकेको कार्यलाई स्थानीय संघ संस्थाहरुको विज्ञप्तिले थप्प पारेको थियो।टाेखा मू: ध्वाखा देखि गणेशस्थान सम्म छापेको कमसल ढुङ्गालाई सोही विज्ञप्ती मार्फ़त फिर्ता गर्ने निर्णय भएको कुरा सानुबाबु श्रेष्ठले टोखा लाइभलाई जानकारी दिनु भएको छ।