TOKHA LIVE
टोखा लाइभ । दशैंको घटस्थापनायताको ८ दिनमा सवा दुई लाख मात्र मानिसले काठमाडौं छाडेका छन् । यो संख्या अघिल्ला दशैंहरुको तुलनामा निकै कम हो ।
महानगरीय ट्राफिक प्रहरी महाशाखाका अनुसार ८ दिनमा कुल २ लाख १८ हजार ९ सय १६ जना मानिसले काठमाडौं छाडेका छन् । दशैँ सुरु भएयता भने पछिल्लो २४ घण्टामा सबैभन्दा धेरै मानिस बाहिरिएका छन् ।
महाशाखाको तथ्यांक अनुसार २४ घण्टामा ४८ हजार ९८ जना मानिस काठमाडौंबाट बाहिरिएका छन् । शुक्रबार भने ३३ हजार ४ सय ४६ जना मानिस बाहिरिएका थिए । घटस्थापनाको दिन २१ जहार ६ सय २ जना मात्र बाहिरिएका थिए ।
त्यसपछि क्रमशः २१ हजार ४ सय ७८, २३ हजार ३ सय ९२, २३ हजार ३ सय ८३, २२ हजार २ सय ९९ र २५ हजार २ सय १८ जना मानिस बाहिरिएका थिए । अघिल्लो वर्षहरुमा भने दशैं लागेपछि दैनिक एक लाख हाराहारी मानिस बाहिरिने गरेका थिए ।
अध्यक्ष प्रकाशक तथा सम्पादक
सानुराज डंगोल
सूचना विभाग दर्ता प्रमाण पत्र नं- २३६५/
०७७-७८
