अब ट्राफिक लाइट मिच्नेलाई समेत ट्राफिक कक्षा अनिवार्य

टोखा लाइभ । अब सडकमा सवारी साधन चलाउँदा रातो बत्ति बलेको समयमा पनि वेवास्ता गर्नेलाई प्रहरीले कक्षा लिने भएको छ । यसअघि मादक पदार्थ सेवन गरी सवारी चलाउने र लेन अनुशासनको पालना नगर्ने चालकहरूलाई मात्र ट्राफिक कक्षा लिँदै आएको थियो।

ट्राफिक प्रहरी महाशाखाले सोमबारदेखि ट्राफिक लाइट उल्लंघन गर्ने चालकलाई समेत ट्राफिक सचेतना कक्षा लिन थालेको हो । यस्तो कक्षाका लागि बग्गीखाना भने जानुपर्ने छैन । अनलाइनबाट प्रहरीले लिने कक्षा अनिवार्य गरिएको छ ।

लकडाउनअघि ट्राफिक कारबाहीमा परेका चालक स्वयम् बग्गीखाना गएर आफैं ट्राफिक कक्षामा सहभागी हुनुपर्ने नियम थियो । अब भने ट्राफिक सचेतना कक्षालाई प्रविधिमार्फत निरन्तरता दिइने भएको छ ।

कोरोना संक्रमणको महामारीका बीचमा अनलाइनमार्फत सचेतना कक्षा सुरू गरिएको महाशाखाले उल्लेख गरेको छ ।

सम्बन्धित खवर