बौद्ध–मेलम्ची घ्याङ गुठीका प्रमुख लामालाई पदमा पुनः बहाल

काठमाडौँ, २६ माघः निर्वाचन आयोगले बौद्ध तथा मेलम्ची घ्याङ गुठीका प्रमुख लामा भूपतिबज्र लामालाई साविककै पदमा बहाल गर्ने निर्णय गरेको छ। आयोगले संस्थानलाई माघ २७ गते कार्यालय समयमा यसबारे जानकारी गराउन पत्राचार गरेको छ।
संस्थानले माघ ९ गते प्रमुख लामा भूपतिबज्रलाई पदबाट हटाउने निर्णय गरेको थियो। लामाले यस निर्णयविरुद्ध माघ १३ गते आयोगमा उजुरी गरेका थिए। आयोगले स्पष्टीकरण माग्दा संस्थानको जवाफ पर्याप्त नभएको देखिएपछि लामा पदमा पुनः बहाल गर्ने निर्णय गरेको हो।
आयोगको पत्रमा उल्लेख छ कि संस्थानले पुस २३ गते गठन गरेको उपसमितिको प्रतिवेदनमा आधारित भएर मात्र लामा नियुक्ति प्रक्रिया अघि बढाएको देखिँदैन। संस्थानको माघ ९ गतेको निर्णय न्यायसंगत र निर्वाचन आचारसंहिता अनुसार नभएको कारण लामालाई पूर्ववत् पदमा बहाल गर्ने निर्णय आयोगले गरेको हो।
संस्थानका सूचना अधिकारी जनक पोखरेलले आयोगको पत्र प्राप्त भएको पुष्टि गर्दै लामा पदमा यथावत् रहने जानकारी दिनुभयो।

सम्बन्धित खवर

टोखाबाट देखिए उत्तरतर्फका हिमाल, सुनौलो किरणले हिमशृङ्खला चम्किए

२०८३ कार्तिक १४, शनिवार

१५ वर्षपछि टोखामा सामूहिक म्हः पूजा हुँदै, नेवाः गुथिले थाल्यो तयारी

वर्षाका कारण एनपीएलको खेल रद्द, लुम्बिनी र चितवनले अंक बाँडे

प्रहरी धरपकड र पक्राउविरुद्ध पत्रकारहरु सडकमा

‘काठमाडौं कथा नै कथामा बाँचेको सहर हो’ : कार्यवाहक प्रमुख डंगोल

तिहार फ्लोरा एक्स्पो कात्तिक १७ देखि, ७३ स्टल रहने

२०८३ कार्तिक १३, शुक्रवार