TOKHA LIVE
टोखा, असोज ३०।
ऐतिहासिक तथा सांस्कृतिक नगरी टोखा देयमा यस वर्ष मनाइने स्वन्ती नख: /तिहार पर्वका तिथिहरू सार्वजनिक भएका छन्।
टोखाका मूः नायो हेमराज श्रेष्ठको अध्यक्षतामा बसेको बैठकले पर्वका तिथिहरू औपचारिक रूपमा निर्धारण गरेको हो।
बैठकमा टोखा वडा नं. २ का अध्यक्ष धर्मेन्द्र श्रेष्ठ, वडा नं. ३ का अध्यक्ष रमेश डंगोल, नेवा: गुठि टोखाका अध्यक्ष रमेश नापित, टोखा संस्कृति संरक्षित क्षेत्र विकास समितिका अध्यक्ष गणेशमान श्रेष्ठ, नेवा देय दबुका केन्द्रीय महासचिव सत्यनारायण डंगोल, र नेवा: गुठि टोखाका महासचिव हेरकाजी डंगोलको सहभागिता र सहमतिमा यो निर्णय गरिएको हो।
बैठकले टोखाबासी तथा सम्पूर्ण नेवा: समुदायका सदस्यहरूलाई उक्त तिथिहरू अनुसार श्रद्धा, परम्परा र मिलनको भावना सहित पर्व मनाउन आग्रह गरेको छ।
मूः नायो हेमराज श्रेष्ठले “स्वन्ती केवल पूजाको समय होइन, यो आत्म–शुद्धीकरण, परिवारिक मिलन र समुदायिक एकताको क्षण हो। सबैले यसलाई साझा पहिचानको पर्वका रूपमा मनाउनुपर्नेमा जोड दिनुभयो ।
टोखा नगरपालिकाको मुटुमा बसोबास गर्ने नेवार समुदायका लागि स्वन्ती पर्व हर्ष, उल्लास र आत्मीयता बाँड्ने समयको प्रतीक हो।
प्रत्येक वर्षझैँ यो वर्ष पनि टोखामा स्वन्तीको रमाइलो र धार्मिक उल्लासले शहर झन् जीवन्त बन्ने अपेक्षा गरिएको छ।
अध्यक्ष प्रकाशक तथा सम्पादक
सानुराज डंगोल
सूचना विभाग दर्ता प्रमाण पत्र नं- २३६५/
०७७-७८
