काठमाडौं १२ पौष /महिला राष्ट्रिय क्रीकेट खेलाडी टोखाका खुशी डंगोल सम्मानित भएकी छन् ।ने सं ११४४ थिलाथ्व: य: मरी पुन्हि  परम्परागत त्यंग: त्वा:  खल:काे संयाेजकत्वमा ज्यापू संस्कृति विकास काेषकाे आयाेजकत्वमा  वसन्तपुरमा अ‍ायाेजित  २०अ‍ाैं राष्ट्रिय ज्यापू दिवसकाे समारोहमा महिला राष्ट्रिय क्रीकेट खेलाडी खुशी डंगोल सम्मानित भएकी छन् । महिला राष्ट्रिय क्रीकेट खेलाडी खुशी डंगोललाई नेपाली क्रीकेट खेल क्षेत्रमा विशेष याेगदान गरेबापत सम्माननीय प्रधानमन्त्री पुष्पकमल दाहाल (प्रचण्ड) बाट सो सम्मानित गरेकाे हो। उनीसहित अन्य विभिन्न विधाहरुमा योगदान गरेका २७ जनालाई पनि सम्मान गरिएको थियो ।   खुशीले नेपालको प्रतिनिधित्व गरि चीनमा आयोजना भएको “Inaugral Belt and Road 2019 Cup T20 -W U19” मा महिला राष्ट्रिय क्रीकेट टाेलीमा सहभागी जनाएकी थिइन्। त्यहाँ उनले नेपालले महिला राष्ट्रिय क्रीकेट टाेलीले कास्य पदक प्राप्त गर्दा डंगोलले महत्त्वपूर्ण खेल भूमिका निर्वाह गरेकी हुन् । खुशी डंगोलले गत अगस्ट महिना नेपाल क्रिकेट संघ (क्यान)ले आईसीसी महिला टी–२० विश्वकप एशिया छनोट प्रतियोगिताका लागि अन्तिम १४ सदस्यीय  टोलीमा खुशी डंगोल पर्न सफल भएकी थिइन् । अगस्टमा मलेसियाको राजधानी क्वालालम्पुरस्थित बायुमास ओभल क्रिकेट मैदानमा चार देश सम्मिलित महिला टी–ट्वान्टी सिरिजको उपाधि नेपाल जित्दा खुशी डंगोलको महत्त्वपूर्ण ३ विकेटको समावेश थिए । चार देश सम्मिलित महिला टी–ट्वान्टी सिरिजको फाइनल खेलमा नेपालले हङकङलाई १३ रनले हराउँदै उपाधि हात पारेका थिए । उक्त सिरिजमा बलिङतर्फ नेपालका लागि खुशी डङ्गोलले तीन विकेट समेत लिन सफल भएकी थिइन् । फाइनल खेल उत्कृष्ट प्रदर्शन गरेकी खुशी डङ्गोल सो सिरिजको प्लेयर अफ दी म्याच भएकी हुन् ।