TOKHA LIVE
काठमाडौं, भदौ १३
टोखा नगरपालिका–४, धापासी लाम्पाखा चोकमा आज बिहानै अविरल वर्षासँगै ठूलो पहिरो खस्दा स्थानीय जीवन अस्तव्यस्त बनेको छ।
ठूलो ढिस्को खसेपछि सडक पूर्ण रूपमा अवरुद्ध भएको छ भने नजिकैका घर र बिजुलीका पोल समेत उच्च जोखिममा परेका छन्। दैनिक यात्रु र व्यवसाय प्रभावित भएपछि स्थानीयबासीमा थप त्रास फैलिएको छ।
घटनापछि नेपाल प्रहरी, सशस्त्र प्रहरी बल र टोखा नगरपालिकाको प्राविधिक टोली मेसिनरी प्रयोग गरी बाटो खोल्ने कार्यमा जुटेका छन्। हालसम्म कुनै मानवीय क्षति नभए पनि आवतजावत र आसपासको व्यापार ठप्प बनेको छ।
सडक वरिपरि अझै जोखिम कायम रहेकाले सुरक्षाका लागि स्थानीयलाई सचेत रहन आग्रह गरिएको छ।
अध्यक्ष प्रकाशक तथा सम्पादक
सानुराज डंगोल
सूचना विभाग दर्ता प्रमाण पत्र नं- २३६५/
०७७-७८
