TOKHA LIVE
झोर महाँकाल, टोखा , साउन १।
टोखा नगरपालिका वडा नं. १ का जेष्ठ नागरिक, एकल महिला, अपाङ्गता भएका व्यक्ति र दलित बालबालिकालाई सामाजिक सुरक्षा लाभग्राही परिचयपत्र नविकरण गर्न वडा कार्यालयले अनुरोध गरेको छ।
आर्थिक वर्ष २०८२/०८३ मा वितरण गरिने सामाजिक सुरक्षा भत्ता प्राप्त गर्न आवश्यक पर्ने परिचयपत्र नविकरण कार्य साउन १ गतेदेखि भाद्र मसान्तसम्म वडा कार्यालयमै सम्पन्न गर्न सकिने जानकारी दिइएको छ।
वडाध्यक्ष रमेश कुमार लामिछानेका अनुसार, “नविकरण नगरिएमा MIS प्रणालीमार्फत लाभग्राहीको नाम हट्न सक्छ र त्यसपछि भत्ता पनि रोकिन्छ। त्यसैले यो कार्य गम्भीर रूपमा लिनु आवश्यक छ।”
यस सूचना मार्फत वडा कार्यालयले सबै लाभग्राही र उनीहरूको परिवार तथा छिमेकीहरुलाई समयमै नविकरण गर्न र जानकारी बाँड्न पनि अनुरोध गरेको छ।
१. नागरिकताको प्रतिलिपि – १ थान
२. पासपोर्ट साइज फोटो – १ थान
३. सामाजिक सुरक्षा नविकरणको निवेदन
४. सामाजिक सुरक्षा लाभग्राही परिचयपत्र
५. राष्ट्रिय परिचयपत्र वा त्यसको नम्बर ।
अध्यक्ष प्रकाशक तथा सम्पादक
सानुराज डंगोल
सूचना विभाग दर्ता प्रमाण पत्र नं- २३६५/
०७७-७८
