TOKHA LIVE
काठमाडौं, असार २० — केही दिनअघि ज्वरो आएर अस्पताल भर्ना भएका स्वास्थ्य तथा जनसंख्या मन्त्री प्रदीप पौडेलको स्वास्थ्यमा उल्लेखनीय सुधार आएको छ। चिकित्सकहरूको सफल उपचारपछि उनी आज वीर अस्पतालबाट डिस्चार्ज भएका छन्।
गत शनिबार साँझ अचानक ज्वरो आएपछि मन्त्री पौडेल काठमाडौंको वीर अस्पतालमा भर्ना भएका थिए। अस्पतालले शुक्रबार सार्वजनिक गरेको विज्ञप्तिमा उल्लेख गरिएको छ कि पौडेलको उपचार अस्पतालका निर्देशक प्रा. डा. दिलीप शर्माको नेतृत्वमा विशेषज्ञ चिकित्सकहरूको टोलीले गरेको थियो।
विज्ञप्तिमा भनिएको छ, “मन्त्री प्रदीप पौडेलज्यू मिति २०८२ असार १४ गते ज्वरोको कारण वीर अस्पतालमा भर्ना हुनुभएको थियो। उहाँको स्वास्थ्य अवस्था चिकित्सकहरूको सतर्क निगरानीमा क्रमिक रूपमा सुधार भएकोले मिति २०८२ असार २० गते डिस्चार्ज गरिएको जानकारी सम्बन्धित सबैमा गराउन चाहन्छौं।”
मन्त्री पौडेल अहिले आरामको अवस्थामा छन् भने चिकित्सकहरूले केही दिन विश्राम गर्न सुझाव दिएका छन्। उनका परिवार, समर्थक र शुभचिन्तकहरूले स्वास्थ्य लाभको कामना गर्दै सामाजिक सञ्जालमा शुभेच्छा प्रकट गरिरहेका छन्।
अध्यक्ष प्रकाशक तथा सम्पादक
सानुराज डंगोल
सूचना विभाग दर्ता प्रमाण पत्र नं- २३६५/
०७७-७८
