TOKHA LIVE
नविना श्रेष्ठ
चैत २२,२०८१
काठमाडौं /स्वास्थ्य तथा जनसङ्ख्या मन्त्रालयबाट विश्वभरको वायु प्रदूषणको कारण विज्ञप्ति निकालेको छ विश्वभरिको वायु प्रदूषणको अवस्था मापन गर्ने World AQI Ranking अनुसार नेपालको वायु केही दिनदेखि नै विश्वकै अत्याधिक अस्वस्थकर सूचीमा अग्रस्थानमा रहेको छ।
AQI Ranking का अनुसार ०-५० सम्म स्वस्थकर ५१- १०० सम्म माध्यम जोखिम १०१-१५० सम्म फोक्सोका बिरामी जेष्ठ नागरिक र बालबालिकाहरूका लागि हानिकारक रहेको बताएको छ। त्यसैगरी सबै समूहका लागि भने १५१ देखि २०० सम्म अस्वस्थकर १०१ देखि ३०० सम्म धेरै अस्वस्थकर सो भन्दामाथि खतराजनक मानिएको छ। वायु प्रदूषणले मुटु रक्तनली फोक्सो मस्तिक आँखा नाक कान र घाँटी लगायतका अङ्गहरूमा गम्भीर असर गर्ने जनाएको छ।
यसैगरी दम क्यान्सर जस्ता नसर्ने तथा दीर्घ रोगीहरूको जोखिमसमेत बढाउने बताइएको छ। वायु प्रदूषणले शारीरिक तथा मानसिक रुपमा कमजोर शिशु जन्मिने सम्भावना समेत उच्च जोखिम रहेको जनाएको छ। नेपालमा वायु प्रदूषणका कारण हरेक वर्ष हुने मृत्युमा विशेषगरी पाँच वर्षमुनिका बालबालिका गर्भवती महिला दीर्घरोगी र जेष्ठ नागरिकहरू बढी जोखिममा पर्ने गरेका छन्। भने नेपालमा रोग र मृत्युदर वृद्धि गराउने प्रमुख कारणमध्ये वायु प्रदूषण पनि एक प्रमुख कारणका रुपमा देखिएको छ। वायु प्रदूषणबाट बच्नका लागि सकेसम्म अनावश्यक यात्रा र बिरामी हिँडाई नगरिदिनुहुनका साथै बाहिर यात्रा गर्ने परेमा अनिवार्य रुपमा मास्क लगाउन र अत्याधिक प्रदुषित क्षेत्रबाट टाढा रहन मन्त्रालयले सबैमा अनुरोध गरेको छ। यदि आम जनताहरूलाई केही थप जानकारी आवश्यक परेमा स्वास्थ्य तथा जनसङ्ख्या मन्त्रालयले हेलो स्वास्थ्य कल सेन्टर १११५ बिहान ८ बजेदेखि बेलुका ८ बजेसम्म whatsapp/ viber
९८५ १०३३०५९२ मा सम्पर्क गर्न सकिने आम नागरिकलाई जानकारी समेत गराएको छ।
स्वास्थ्य तथा जनसंख्या मन्त्रालयको बिज्ञप्ति ।
अध्यक्ष प्रकाशक तथा सम्पादक
सानुराज डंगोल
सूचना विभाग दर्ता प्रमाण पत्र नं- २३६५/
०७७-७८
