TOKHA LIVE
काठमाडौँ १७ फागुन । सरकारले कान्ति बाल अस्पताल विकास समितिको सदस्यमा टाेखा नगरपालिका वडा २ निवासी पञ्चकुमारी श्रेष्ठलाई मनोनयन गरेको छ । मंगलबार बसेको मन्त्रिपरिषद् बैठकले माननीय मन्त्रिस्तरको निर्णय अनुसार श्रेष्ठलाई कान्ति बाल अस्पताल विकास समितिको सदस्यमा मनोनयन सहित विभिन्न शिर्षकमा निर्णय गरेको हो । पञ्चकुमारी श्रेष्ठलाई बिहीबार स्वास्थ्य तथा जनसंख्या मन्त्री प्रदिप पौडेलले बिहीबार मनोनीत पत्र हस्तान्तरण गर्नुभएको हो।
पञ्च कुमारी श्रेष्ठ टाेखा नगरपालिका २ कि पुर्व महिला वडासदस्य समेत हुन् ।
यस अघि सरकारले गत पौषमा कान्ति बाल अस्पताल विकास समितिको अध्यक्षमा कास्कीका श्रीराम सुवेदीलाई मनोनयन गरेका थिए ।
कान्ति बाल अस्पताल विकास समितिको सदस्यमा पञ्चकुमारी श्रेष्ठलाई सरकारले दिएको मनोनयन पत्रको ब्यहोरा यस्तो छ:-
नेपाल सरकार
स्वास्थ्य तथा जनसंख्या मन्त्रालय
पत्र संख्या:
चलानी नं.-१२३
रामशाहपथ, काठमाडौं, नेपाल ।
मिति २०८१/११/१५
विषय :- मनोनयन सम्बन्धमा।
श्री पंचकुमारी श्रेष्ठ,
काठमाडौं।
प्रस्तुत विषयमा मिति २०८१/११/१३ को माननीय मन्त्रिस्तरको निर्णय अनुसार तपाईलाई कान्ति बाल अस्पताल विकास समिति (गठन) आदेश, २०४० को दफा ३ को उपदफा (२) को खण्ड (ख) को व्यवस्था बमोजिम कान्ति चाल अस्पताल विकास समितिको सदस्य पदमा ऐ. गठन आदेशको दफा ३ को उपदफा (३) बमोजिम दुई वर्ष पदावधि रहने गरी मनोनयन गरिएको व्यहोरा जानकारी गराउँदछु।
कान्ति बाल अस्पताल विकास समितिको सदस्य पदमा मनोनीत हुनु भएकोमा बधाई ज्ञापन गर्दै सो समितिको सचालन, विकास र विस्तारमा तपाईंको उल्लेख्य योगदान रहने कुरामा यस मन्त्रालय विश्वस्त रहेको छ।
रोजिता तण्डुकार
जनस्वास्थ्य अधिकृत
बोधार्थः
श्री कान्ति बाल अस्पताल विकास समिति, काठमाडौं।
अध्यक्ष प्रकाशक तथा सम्पादक
सानुराज डंगोल
सूचना विभाग दर्ता प्रमाण पत्र नं- २३६५/
०७७-७८
