TOKHA LIVE
टाेखालाइभ डट कम/कार्तिक २८,२०७९
काठमाडौं : एसोसिएसन अफ स्पाइन सर्जन अफ नेपाल (ASSN)को अध्यक्षमा डा. विनोद बिजुक्छे निर्वाचित भएका छन् ।
संघको आठौं महाधिवेशनले डा. बिजुक्छेको नेतृत्वमा ९ सदस्यीय कार्यसमिति निर्विरोध चयन गरेको छ । यसअघि उनी संघको उपाध्यक्ष थिए । संघको नवनिर्वाचित कार्यसमितिमा उपाध्यक्षमा डा. विश्वर पौडेल, महासचिवमा डा. सुरज बज्राचार्य, उपमहासचिवमा डा.ज्ञानेन्द्र शाह र कोषाध्यक्षमा डा. राजेशकुमार चौधरी रहेका छन् ।
त्यस्तै समितिको सदस्यहरुमा डा. दीपक कौछा, डा. सुशील श्रेष्ठ, डा. अनुप पोखरेल र डा. सुवासन्द्र झा निर्वाचित भएका छन्।नवनिर्वाचित अध्यक्ष डा. बिजुक्छे ग्राण्डी इन्टरनेशनल अस्पतालका मेडिकल डाइरेक्टर हुन् ।
नेपालमा मेरुदण्डको शल्यक्रियाको विकास गर्ने उद्देश्यले सन् २०१२ मा स्थापना भएको स्पाइन सर्जन संघमा हाल देशभरबाट ८१ स्पाइन सर्जन सदस्य छन् ।
एसोसिएसनले मेरुदण्डको शल्यक्रियाका स्नातकहरूलाई तालिम प्रदान गर्न विश्वका अन्य देशका स्पाइन सर्जरी संस्थाहरूसँगको सहकार्यमा नेपालका विभिन्न अस्पतालमा मेरुदण्डको शल्यक्रियासम्बन्धी विभिन्न कार्यक्रमहरू सञ्चालन गर्दै आएको छ।
अध्यक्ष प्रकाशक तथा सम्पादक
सानुराज डंगोल
सूचना विभाग दर्ता प्रमाण पत्र नं- २३६५/
०७७-७८
