TOKHA LIVE
टोखा लाइभ । काठमाण्डौ ,२०७९ कार्तिक १।
बुढानिलकण्ठ भगवानको आशिर्वाद लिदै काठमाण्डौ क्षेत्र नं ४ को शिर बुढानिलकण्ठ नगरपालिका वडा नं १ बाट नेकपा एमालेका उम्मेदवारहरुले जनता साक्षात्कार अभियान सुरु गरेका छन।
काठमाण्डौ क्षेत्र नं ४ का १२ वटा वडा मध्ये उत्तरी सिमानामा रहेको बुढानिलकण्ठ नगरपालिका वडा नं १ का जनताहरु संग प्रत्यक्ष साक्षात्कार सुरु गरेका प्रतिनिधि सभा सदस्य उम्मेदवार डा. राजन भट्टराई र प्रदेस सभा सदस्य पदका उम्मेदवार जयराम थापाले अभियानको सुरुवात बुढानिलकण्ठ दर्शन गर्दै बटुक र पण्डितबाट टिका ग्रहण गरेर गरेका थिए।
नेकपा एमाले काठमाण्डौ क्षेत्र नं ४ (२ ) का संयोजक जिल्ला कमिटी सदस्य राजन पोखरेलको संक्षिप्त सम्बोधन पश्चात सुरु भएको सो कर्यक्रममा अन्तर्गत नेकपा एमालेका उम्मेदवारहरुले वडा नं १ का विभिन्न टोलका जनताहरु संग अन्तरक्रिया तथा भेटघाट गरेका थिए।
सो जनता साक्षात्कार अभियानको सुरुवातमा नेकपा एमाले जिल्ला कमिटी सदस्य तथा क्षेत्र नं ४ (२ ) सह संयोजक शिला लामा ,सचिव गोविन्द कटवालल ,नेकपा एमाले नगर कमिटी अध्यक्ष प्रदिप डंगोल सहित विभिन्न कमिटीका नेता तथा कार्यकर्ताहरुको बाक्लो उपस्थिति रहेको थियो।
अध्यक्ष प्रकाशक तथा सम्पादक
सानुराज डंगोल
सूचना विभाग दर्ता प्रमाण पत्र नं- २३६५/
०७७-७८
