TOKHA LIVE
टोखा लाइभ । २०७८ पुष १७ गते ।
बेसीसहर । श्री टोखा भगवती क्लबले बेसीसहरमा जारी २९ औं त्रिवेणी कप फुटबल प्रतियोगितामा संघर्षपूर्ण जित निकालेको छ ।
शुक्रबार भएको खेलमा श्री टोखा भगवती क्लबले श्री श्रीजङ गणलाई सडनडेथमा हरायो ।खेलको निर्धारित समय १-१ गोलको बराबरी भएपछि खेल टाइब्रेकरमा गएको थियो।
टाइब्रेकरमा पनि ४-४ गोलको बराबरी भएपछि खेलको निर्णय सडनडेथबाट गरिएको थियो ।
सडनडेथमा श्री टोखा भगवतीका अनिल खड्का, उत्तम शाही, अनिश श्रेष्ठ र मोइसले गोल गरे ।
श्रीजङका भिम बिके, दोर्जे तामाङ, विनय महतले गोल गर्दा गोपाल शाक्य असफल भए ।
पेनाल्टी अघि सुबाश लामा बम्जनले गोल गर्दै श्रीजङलाई अग्रता दिलाएका थिए ।
तर, दोस्रो हाफमा मोइसले गोल गर्दै श्री टोखा भगवतीलाई बराबरीमा ल्याएका थिए ।
आगामी पुस २१ गतेसम्म चल्ने प्रतियोगितामा १८ टोलीको सहभागिता रहेको छ ।
प्रतियोगिताको विजेताले ५ लाख र उपविजेताले ३ लाख पाउने आयोजक त्रिवेणी युवा क्लबले जनाएको छ ।यस्तै सेमिफाइनलमा पराजित टोलीले ५०/५० हजार पाउने छन् ।
अध्यक्ष प्रकाशक तथा सम्पादक
सानुराज डंगोल
सूचना विभाग दर्ता प्रमाण पत्र नं- २३६५/
०७७-७८
