Sanu Raj Dangol
टाेखालाइभ डट कम / जेठ २४ ,२०७८
टोखा नगरपालिकामा संक्रमितको संख्या घट्नेक्रममा पछिल्लो २४ घन्टामा थप १३९ जना निको भएसंगै सक्रिय संक्रमितको संख्या ४४८ जना रहेको छ।
टोखा नगरपालिकामा हाल सम्म कोरोना संक्रमित भैसकेका महिला सख्या ३१६६ जना र पुरूष संख्या ३८६३ जना गरि ७०२९ जना संक्रमित रहेकोमा निको भएको संख्या ६५५९ जना पुगेको छ।
टाेखा नगरपालिका मा हरेक हप्ताको आइतबार वडा २, मंगलबार वडा ११ र शुक्रबार वडा ५ संक्रमितहरुको सम्पर्कमा आएका वा लक्षण देखिएकाहरुको Covid – 19 (Antigen test) एन्टिजेन परिक्षण गर्ने गरिएको छ।
टाेखा नगरपालिकाको काेभिड-१९ दैनिक रिपोर्ट अनुसार हिजो जेठ २३ गते टाेखा नगरपालिकाकाे वडागत विवरण अनुसार होमआइसोलेसनमा बस्ने संक्रमित महिला संख्या १७५ र पुरूष संख्या २१२ जना, अस्पतालमा बस्ने संक्रमित महिला संख्या ५ र पुरूष संख्या १२ जना र अन्य महिला १२ र पुरुष ३० गरि जम्मा ४४८ जना सक्रिय संक्रमित रहेको छ।
टाेखा नगरपालिकाको काेभिड-१९ दैनिक रिपोर्टको हिजो जेठ २३ गते संक्रमितहरुको उमेरगत खाका अनुसार वर्ष १ देखि १० वर्ष उमेर समुहमा २२ जनामा कोरोना संक्रमण भएका छन् भने ११ देखि २० वर्ष सम्म उमेर समुहमा ९३ जनामा कोरोना संक्रमण पुष्टि भएको छ। त्यस्तै वर्ष २१ देखि ३० वर्ष सम्म उमेर समुहमा ८० जनामा कोरोना संक्रमण भएका छन् भने ३१ देखि ४० वर्ष उमेर समुहमा ९० जनामा कोरोना संक्रमण पुष्टि भएको तथ्यांक छ। त्यसैगरि वर्ष ४१ देखि ५० वर्ष सम्म उमेर समुहमा ५४जना, वर्ष ५१ देखि ६० वर्षको सम्म उमेर समुहमा ४४जना र वर्ष ६० देखि माथि ६३ जना उमेर अनुसार सक्रिय संक्रमितको संख्या रहेका छन् ।
संक्रमण भएका संक्रमितहरुको हाल सम्म PCR परीक्षण गरिसकेकाहरुको सख्या भने ६७८९ जना रहेका छन्। टाेखा नगरपालिकामा हाल सम्म १९७९ जनाले Antigen Test बाट परिक्षण गरिसकेका छन् ।( Antigen test ) एन्टिजेन परिक्षण गरि पोजिटिभ पत्ता लागेका संक्रमितहरु हालसम्म ५५४जना पुगेको र हिजो ३० जना Antigen test ) एन्टिजेन परिक्षण गर्दा ४ जनामा पोजिटिभ देखिएको टाेखा नगर स्वास्थ्य शाखा प्रमुख रणलाल कुलालले बताउनु भयो।
टाेखा नगरपालिकामा हालसम्म काेभिड -१९ बाट मृत्यु हुनेको संख्या १५ पुगेको छ भने टाेखा चण्डेश्वरी प्राथमिक स्वास्थ्य केन्द्रमा १ जनाको मृत्यु भैसकेको छ ।टाेखा चण्डेश्वरी प्राथमिक स्वास्थ्य केन्द्रमा ९ जना संक्रमित रहेको छ। हिजो मात्रै १३९ जना निको भएर थप ४२जना डिस्चार्ज भएको टाेखा नगर उपप्रमुख ज्ञान माया डंगोलले जानकारी दिएकी छन्।
अध्यक्ष प्रकाशक तथा सम्पादक
सानुराज डंगोल
सूचना विभाग दर्ता प्रमाण पत्र नं- २३६५/
०७७-७८
