TOKHA LIVE
•अमृता नेपाली
ताप्लेजुङ ।चीन र भारत जोड्ने नेपालकै सबैभन्दा छोटो उत्तर दक्षिण ओलाङ्चुङगोला लोकमार्गको ट्रयाक खोल्ने काम अन्तिम चरणमा पुगेको छ । कोभिड -१९ को प्रकोप विश्व भरी परिरहदा पनि फक्ताङ्लुङ गाउँपालिका वडा न ६ लेलेपको फेदिखोलाको खोचमा सडकको ट्रयाक खोल्ने काम भइरहेको उतर दक्षिण ओलाङ्चुङगोला कार्यालय ताप्लेजुङका सूचना अधिकारी तथा इन्जिनियर संजिब कुमार गुप्ताले जानकारी दिनु भएको छ। ठुल्ठुला चट्टानका कारण ५ किलोमिटरको ट्रयाक खोल्न भने ढिलो हुने गुप्ताले बताउनु भएको छ।चट्टानका कारण ब्लास्टिङको काम गर्न नेपाली सेनालाई निवेदन दिएको इन्जिनियर गुप्ताको भनाइ छ।
ट्रयाक खोल्न बाकी ५ किलोमिटरमा कन्चनजङ्घा संरक्षण क्षेत्रको बन क्षेत्र परेकाले ६ सय ३८ वटा रुख काट्नु पर्ने हुन्छ ।सो रुखहरु काट्नलाइ सिफारिस गरेपनि मन्त्रीपरिषदबाट कटान आदेश पारित भएर आउन ढिलो भएको गुप्ताको भनाइ रहेको छ ।
चीन र नेपालको सिमाना टिपताला भञ्ज्याङ्बाट ओलाङ्चुङगोलासम्म २३ किलोमिटर सडक ३ बर्ष पहिले स्थानीयको पहलमा र चिनलाइ जिम्मा दिएको ओलाङ्चुङगोलाबाट सदरमुकाम फुङ्लिङ आउने १० किलोमिटर सडक भने खनिसकिएको छ।यो सडक चालू आर्थिक बर्ष २०७७/७८ मा संचालन हुने फक्ताङ्लुङ गाउँपालिका अध्यक्ष सरोज एभेङले जानकारी गराउनु भएको छ।
लोकमार्ग खुलेपछि ताप्लेजुङ पाचथर तेह्रथुम भोजपुर संखुवासभा लगायत पूर्वको समृद्धको लागि महत्त्वपूर्ण हुनेछ।
अध्यक्ष प्रकाशक तथा सम्पादक
सानुराज डंगोल
सूचना विभाग दर्ता प्रमाण पत्र नं- २३६५/
०७७-७८
