उपत्यकाका २१ स्थानीय तहमा मासु जाँच ऐन कार्यान्वयनका लागि कार्यदल गठन

काठमाडौं । पशु वधशाला तथा मासु जाँच ऐन, २०५५ कार्यान्वयनलाई प्रभावकारी बनाउन काठमाडौं उपत्यकाका तीन जिल्लाका २१ स्थानीय तहमा कार्यदल गठन गरिएको छ ।

पशु सेवा विभागका वरिष्ठ पशु चिकित्सक नवराज श्रेष्ठका अनुसार ऐन कार्यान्वयनका लागि दुई तहका कार्यदल गठन गरिएको हो । जिल्लास्तरमा सहसचिवको नेतृत्वमा उच्चस्तरीय कार्यदल र स्थानीय तहमा उपसचिवको नेतृत्वमा टास्कफोर्स परिचालन गरिएको छ ।

उच्चस्तरीय कार्यदलमा काठमाडौं र ललितपुरमा तीन–तीन जना तथा भक्तपुरमा दुई जना सहसचिव तोकिएका छन् । उनीहरूले सम्बन्धित जिल्लाका प्रमुख जिल्ला अधिकारी, स्थानीय तहका प्रमुख तथा अन्य सरोकारवालासँग समन्वय गर्नेछन् ।

त्यस्तै, स्थानीय तहमा ऐन कार्यान्वयनका लागि उपसचिवको नेतृत्वमा टास्कफोर्स गठन गरिएको छ । काठमाडौं महानगरपालिकामा एक जना उपसचिव तोकिएको छ भने अन्य स्थानीय तहमा दुईवटा पालिका हेर्ने गरी टास्कफोर्स परिचालन गरिएको छ । प्रत्येक टास्कफोर्समा एक जना उपसचिव र दुई जना पशु चिकित्सक रहने व्यवस्था गरिएको श्रेष्ठले जानकारी दिए ।

कार्यदलको मुख्य जिम्मेवारी ऐन कार्यान्वयनका लागि सरोकारवालासँग छलफल, समन्वय र सहजीकरण गर्नु रहेको छ । यसक्रममा स्थानीय जनप्रतिनिधि, मासु पसल सञ्चालक, बधशाला सञ्चालक, खड्गी समाज तथा मासु व्यवसायी संघसँग छलफल गरी ऐनका प्रावधानबारे जानकारी गराइनेछ ।

सम्बन्धित खवर

टोखाबाट देखिए उत्तरतर्फका हिमाल, सुनौलो किरणले हिमशृङ्खला चम्किए

२०८३ कार्तिक १४, शनिवार

१५ वर्षपछि टोखामा सामूहिक म्हः पूजा हुँदै, नेवाः गुथिले थाल्यो तयारी

वर्षाका कारण एनपीएलको खेल रद्द, लुम्बिनी र चितवनले अंक बाँडे

प्रहरी धरपकड र पक्राउविरुद्ध पत्रकारहरु सडकमा

‘काठमाडौं कथा नै कथामा बाँचेको सहर हो’ : कार्यवाहक प्रमुख डंगोल

तिहार फ्लोरा एक्स्पो कात्तिक १७ देखि, ७३ स्टल रहने

२०८३ कार्तिक १३, शुक्रवार