TOKHA LIVE
काठमाडौँ । संविधान दिवस २०८३ को अवसर पारेर असोज ३ गतेदेखि काठमाडौँ उपत्यकामा थप २८ वटा रात्रिकालीन बस ६ वटा विस्तारित रुटमा सञ्चालन हुने भएका छन्।
काठमाडौँ महानगरपालिकाका कार्यवाहक प्रमुख सुनिता डंगोलको अध्यक्षतामा आज बसेको बैठकले रात्रिकालीन यातायात सेवा विस्तार गर्ने निर्णय गरेको हो। बैठकमा काठमाडौँ र ललितपुर महानगरपालिका, सम्बन्धित नगरपालिकाका प्रमुख तथा उपप्रमुख, साझा यातायात र सरोकारवाला अधिकारीहरूको सहभागिता थियो।
हाल काठमाडौँ महानगरपालिका, ललितपुर महानगरपालिका, चन्द्रागिरि नगरपालिका र बुढानीलकण्ठ नगरपालिकाको समन्वयमा वैशाख १ गतेदेखि रात्रिकालीन बस सेवा सञ्चालन हुँदै आएको छ।
विस्तारित सेवाअन्तर्गत गोदावरीदेखि बुढानीलकण्ठसम्म ६ वटा, जगाती–रत्नपार्क–ठमेल रुटमा ६ वटा, विमानस्थलदेखि चन्द्रागिरिको नागढुङ्गासम्म ४ वटा, कीर्तिपुरदेखि नयाँ सडकस्थित नेपाल वायु सेवा निगमसम्म ४ वटा तथा चक्रपथमा दुईतर्फी सञ्चालनका लागि ८ वटा बस चलाइनेछ।
नयाँ रुट विस्तारसँगै उपत्यकाको उत्तर–दक्षिण तथा पूर्व–पश्चिम क्षेत्रलाई रात्रिकालीन सार्वजनिक यातायातमार्फत जोड्ने लक्ष्य राखिएको छ।
अध्यक्ष प्रकाशक तथा सम्पादक
सानुराज डंगोल
सूचना विभाग दर्ता प्रमाण पत्र नं- २३६५/
०७७-७८
