TOKHA LIVE
काठमाडौं २०८३ असार ७ । काठमाडौंको नयाँ बानेश्वरस्थित IACER परिसरमा अन्तर–विधागत छैटौं वसाइ अन्तर्गत एक विशेष साहित्यिक कार्यक्रम आयोजना हुने भएको छ। साहित्यकार हिक्मत डंगोलद्वारा लिखित उपन्यास “बदलिएको आकाश” को पुस्तक विमोचन तथा अन्तरक्रिया कार्यक्रम आगामी २०८३ साल असार १३ गते दिउँसो ३ बजे हुने भएको हो। कार्यक्रममा उपन्यासमाथि केन्द्रित एक अन्तरक्रियात्मक संवाद समेत आयोजना गरिनेछ, जसले कृतिभित्र उठाइएका विचार, अनुभूति र समयसापेक्ष सन्दर्भहरूलाई थप उजागर गर्ने अपेक्षा गरिएको छ। उक्त अवसरमा साहित्यकार तथा वक्ताहरू अन्जु मैनाली र कपिल काफ्लेले कृतिको विविध पक्षबारे आफ्ना धारणा राख्ने कार्यक्रम रहेको छ। साहित्य, विचार र संवादलाई एकै थलोमा जोड्ने उद्देश्यसहित आयोजना हुने यो कार्यक्रमले पाठक, लेखक तथा साहित्यप्रेमीबीच अर्थपूर्ण छलफल सिर्जना गर्ने विश्वास लिइएको छ।
अध्यक्ष प्रकाशक तथा सम्पादक
सानुराज डंगोल
सूचना विभाग दर्ता प्रमाण पत्र नं- २३६५/
०७७-७८
