TOKHA LIVE
ललितपुर, असार ३ / वर्षा, सहकाल र समृद्धिका देवताका रूपमा पूजिने रातो मच्छिन्द्रनाथको ऐतिहासिक रथयात्रा बुधबार ललितपुरको मंगलबजार क्षेत्रमा पुर्याइएको छ।
काठमाडौं उपत्यकाकै सबैभन्दा लामो तथा महत्वपूर्ण जात्राका रूपमा परिचित रातो मच्छिन्द्रनाथको रथयात्रा प्रत्येक वर्ष वैशाख शुक्ल प्रतिपदादेखि सुरु भई असार शुक्ल चौथीसम्म करिब दुई महिनासम्म धूमधामका साथ मनाइने गरिन्छ। हजारौं भक्तजन र दर्शकहरूको सहभागितामा सञ्चालन हुने यस जात्राले नेवार सभ्यता, संस्कृति र धार्मिक आस्थाको अनुपम उदाहरण प्रस्तुत गर्दछ।
परम्पराअनुसार विशाल काठको रथमा विराजमान रातो मच्छिन्द्रनाथलाई ललितपुरका विभिन्न ऐतिहासिक बस्ती र टोलहरू परिक्रमा गराउँदै मंगलबजार पुर्याइएको हो। रथयात्राका क्रममा भक्तजनहरूले देवताको दर्शन गरी सुख, शान्ति, समृद्धि र समयमै वर्षा हुने कामना गरेका छन्।
धार्मिक किंवदन्तीअनुसार नेपालमा १२ वर्षसम्म भयानक अनिकाल परेपछि तत्कालीन राजा नरेन्द्र देव, गुरु बन्धुदत्त आचार्य र ललित ज्यापूको पहलमा वर्षाका देवता रातो मच्छिन्द्रनाथलाई उपत्यकामा ल्याई रथयात्रा सञ्चालन गरिएको मान्यता छ। त्यसयता वर्षा र सहकालको कामना गर्दै यो जात्रा निरन्तर मनाइँदै आएको छ।
अध्यक्ष प्रकाशक तथा सम्पादक
सानुराज डंगोल
सूचना विभाग दर्ता प्रमाण पत्र नं- २३६५/
०७७-७८
