टोखा काठमाडौँ ७ जेठ :टोखा नगरपालिका ७ स्थित धापासी–ग्रीनल्याण्ड आसपासका अतिक्रमित घर–टहरा हटाइएको छ ।
नगरपालिकाले यसअघि १५ दिने सूचना जारी गर्दै अतिक्रमित संरचना स्वयं हटाउन आग्रह गरेको थियो । तर अटेरी गरेपछि आज बिहानदेखि डोजर प्रयोग गरी सडक छेउ तथा सरकारी जग्गामा निर्माण गरिएका घर–टहरा, कम्पाउन्ड र अस्थायी संरचना हटाउने काम सुरु गरिएको नगरपालिकाले जनाएको छ ।
नगरपालिकाका प्रमुख प्रशासकीय अधिकृत कमल भट्टराईका अनुसार सार्वजनिक जग्गा संरक्षण तथा अतिक्रमण हटाउने अभियानअन्तर्गत उक्त कदम चालिएको हो ।
नगरपालिकाले सार्वजनिक जग्गा अतिक्रमण नगर्न तथा कानुनी व्यवस्था पालना गर्न सबै नगरवासीलाई आग्रह गरेको छ ।
