TOKHA LIVE
काठमाडौं, २६ चैतः नेसनल प्याब्सन ले सरकारको दुई दिने सार्वजनिक बिदासम्बन्धी निर्णयले विद्यालय तहको शैक्षिक क्यालेण्डरमा दीर्घकालीन असर पार्ने जनाएको छ।
संस्थाका अध्यक्ष गीता राणा क्षेत्री र महासचिव प्रतापबहादुर थापा ले विज्ञप्तिमार्फत थप बिदाका कारण निर्धारित पाठ्यक्रम समयमै पूरा गर्न चुनौती हुने बताएका छन्।
नेपाल सरकार, मन्त्रिपरिषद्को चैत २२ को निर्णयअनुसार पेट्रोलियम खपत घटाउने र वैदेशिक मुद्रा सञ्चिति जोगाउने उद्देश्यले शनिबार र आइतबार सार्वजनिक बिदा दिने तथा शैक्षिक सत्र वैशाख १५ गतेदेखि सुरु गर्ने व्यवस्था गरिएको छ।
संस्थाले दैनिक ज्यालादारीमा आश्रित अभिभावकका लागि दुई दिने बिदा व्यवस्थापन कठिन हुने र यसले सामाजिक तथा आर्थिक असर पार्ने जनाएको छ।
यद्यपि, उक्त निर्णय कार्यान्वयन गर्दै नेसनल प्याब्सनले विद्यालयहरूलाई नयाँ भर्ना वैशाख २ गतेदेखि र पठनपाठन सञ्चालन गर्न आग्रह गरेको छ। शिक्षा नियमावलीअनुसार एक शैक्षिक सत्रमा कम्तीमा २२० दिन पठनपाठन हुनुपर्ने व्यवस्था छ।
अध्यक्ष प्रकाशक तथा सम्पादक
सानुराज डंगोल
सूचना विभाग दर्ता प्रमाण पत्र नं- २३६५/
०७७-७८
