‘जिम्मेवार पत्रकारिता गरौँ’ : अध्यक्ष शर्मा

काठमाडौँ, १६ चैत / नेपाल पत्रकार महासङ्घ का अध्यक्ष निर्मला शर्मा ले जिम्मेवार पत्रकारितालाई प्राथमिकता दिनुपर्नेमा जोड दिनुभएको छ। सही सूचना पाउने जनताको अधिकार सुनिश्चित गर्नु पत्रकारको प्रमुख कर्तव्य भएको उहाँको भनाइ छ।

महासङ्घको ७१औँ स्थापना दिवसका अवसरमा शुभकामना सन्देश दिँदै अध्यक्ष शर्माले जिम्मेवार पत्रकारितामार्फत समाजले अपेक्षा गरेको भूमिका निर्वाह गर्न सबै सञ्चारकर्मीलाई अपिल गर्नुभएको हो।

उहाँका अनुसार पछिल्लो समय सूचना प्रविधिको तीव्र विकाससँगै सामाजिक सञ्जालको प्रयोग बढेसँगै मिथ्या सूचना (फेक न्यूज) को प्रवाह पनि तीव्र भएको छ। यस्ता भ्रामक सूचनाको प्रभाव कम गर्न पत्रकारिता क्षेत्रले निष्पक्ष, सत्य र तथ्यमा आधारित भूमिका निर्वाह गर्नुपर्नेमा उहाँले जोड दिनुभयो।