TOKHA LIVE
नविना श्रेष्ठ
मध्यपुर थिमि, पौष २४ /२०८२
मध्यपुर थिमि नगरपालिकाको लागत साझेदारी तथा नेपाल स्काउट, स्थानीय स्काउट कार्यालय मध्यपुर थिमिको आयोजनामा १९१औँ कब स्काउट बिटिसी र १८०औँ ब्राउनी स्काउट पिटिसी तालिम आजबाट श्री बालप्रेमी माध्यमिक विद्यालयमा शुभारम्भ भएको छ।
तालिमको उद्घाटन नगरप्रमुख तथा स्काउट संरक्षक सुरेन्द्र श्रेष्ठ र उप–नगरप्रमुख तथा प्रमुख स्काउट विजयकृष्ण श्रेष्ठले संयुक्त रूपमा झण्डोत्तोलन गरी गर्नुभएको थियो। कार्यक्रममा विभिन्न विद्यालयका शिक्षक स्काउटरहरूको उल्लेखनीय सहभागिता रहेको थियो।
उद्घाटन समारोहमा बोल्दै अतिथिहरूले असल, अनुशासित र जिम्मेवार नागरिक निर्माणमा स्काउट आन्दोलनको भूमिका महत्वपूर्ण रहेको उल्लेख गर्नुभयो। साथै, विपद् व्यवस्थापन, सामाजिक सेवा र नेतृत्व विकासमा स्काउटको योगदान प्रशंसनीय रहेको धारणा व्यक्त गर्नुभयो।
कार्यक्रम स्थानीय प्रमुख आयुक्त तुल्सीहरि प्रजापतिको सभापतित्वमा सम्पन्न भएको हो।
अध्यक्ष प्रकाशक तथा सम्पादक
सानुराज डंगोल
सूचना विभाग दर्ता प्रमाण पत्र नं- २३६५/
०७७-७८
