TOKHA LIVE
नुवाकोट, पुस १५ /
टोखा – छहरे सडकखण्डअन्तर्गत शिवपुरी गाउँपालिका–८, जनज्ञान स्कुल नजिकैको काउलीबारी क्षेत्रमा मंगलबार विद्युतीय गाडी दुर्घटना भएको छ।
काठमाडौँबाट त्रिशूलीतर्फ जाँदै गरेको बागमती प्रदेश ०२–००१ ज ०५७८ नम्बरको गाडी अनियन्त्रित भई सडकमा दुर्घटना भएको हो। दुर्घटनामा केही यात्रु सामान्य घाइते भएका भए पनि मानवीय क्षति भएको छैन। घाइतेहरूको अवस्था सामान्य रहेको र आवश्यक उपचार भइरहेको स्थानीय स्रोतले जनाएको छ।
दुर्घटनापछि गाडी सडकमै अड्किएको कारण उक्त सडकखण्ड केही समयका लागि अवरुद्ध भएको छ। प्रहरी र स्थानीय बासिन्दाको सहयोगमा गाडी हटाउने प्रयास जारी छ। सडक खुल्न केही समय लाग्न सक्ने भएकाले यात्रुहरूलाई वैकल्पिक मार्ग प्रयोग गर्न आग्रह गरिएको छ।
अध्यक्ष प्रकाशक तथा सम्पादक
सानुराज डंगोल
सूचना विभाग दर्ता प्रमाण पत्र नं- २३६५/
०७७-७८
