TOKHA LIVE
काठमाडौँ, १० मङ्सिर ।
नेपाल प्रिमियर लिग (एनपिएल)मा उत्कृष्ट प्रदर्शन गर्दै आएको विराटनगर किङ्सको अपराजित यात्रा आज चितवन राइनोजले रोकिदिएको छ। लगातार तीन खेल जितेको विराटनगर चौथो खेलमा चितवनसँग ४८ रनले पराजित भयो।
१७५ रनको लक्ष्य पछ्याउँदै मैदानमा उत्रिएको विराटनगर १६.५ ओभरमै १२६ रनमा समेटियो। टोलीका लागि मर्चेन्ट डे लाङले ३९ रन र प्रतिश जिसीले ३० रनको योगदान दिए पनि टोलीलाई हारबाट जोगाउन सकेनन्।
चितवनका बलरहरू उत्कृष्ट रहे रञ्जित कुमारले ५ विकेट लिए भने कमलसिंह ऐरीले २ विकेट हात पारे।
यसअघि, कीर्तिपुरस्थित त्रिवि अन्तरराष्ट्रिय क्रिकेट रङ्गशालामा टस हारेर पहिले ब्याटिङ गरेको चितवनले निर्धारित २० ओभरमा ५ विकेटको क्षतिमा १७४ रनको सम्मानजनक स्कोर बनायो। रवी बोपराले अर्धशतक प्रहार गर्दै ६५ रन जोडे। सैफ अली जैव ३२ रन, देव खनाल २८ रन र कप्तान कुशल मल्ल अविजित २० रनका साथ चम्किए।
विराटनगरका लागि कप्तान सन्दीप लामिछाने र मर्चेन्ट डे लाङले दुई–दुई विकेट लिएका थिए भने शुभम रञ्जनेले एक विकेट लिए।
अध्यक्ष प्रकाशक तथा सम्पादक
सानुराज डंगोल
सूचना विभाग दर्ता प्रमाण पत्र नं- २३६५/
०७७-७८
