TOKHA LIVE
काठमाडौं ४ मंसिर २०८२।
राजधानी कीर्तिपुरमा जारी नेपाल प्रिमियर लिग (एनपिएल) मा लुम्बिनी लायन्स ले पहिलो खेलमै दमदार प्रदर्शन गर्दै चितवन राइनोजलाई ६ विकेटले पराजित गरेको छ। सुरुआती खेलमै आएको यो जितले लुम्बिनीको आत्मविश्वास अझ बलियो बनाएको छ।
चितवनले दिएको १४३ रनको साधारण लक्ष्य लुम्बिनीले १८.३ ओभरमै सहज रूपमा पूरा गर्यो।
लुम्बिनीका गुलबुद्धिन नैबले धैर्यपूर्ण र प्रभावकारी पारी खेल्दै अविजित ४४ रन जोडे। कप्तान रोहितकुमार पौडेलले ३९ रन जोडेपछि लुम्बिनीको पारी अझ स्थिर बन्यो। चितवनका रिजन ढकालले २ विकेट लिए भने सोहेल तनविरले एक विकेट जोड्न सफल भए।
यसअघि, टस हारेर सुरुमा ब्याटिङमा उत्रिएको चितवन राइनोजले २० ओभरमा ७ विकेट गुमाउँदै १४२ रन बनाएको थियो।
टिमका विदेशी खेलाडी रवि बोपाराले संयमित पारी खेल्दै ६६ रन बनाए। कप्तान कुशल मल्लले २१ रन, सैफ जैबले १५ रन र अर्जुन साउदले अविजित १५ रन जोडे।
बलिङतर्फ लुम्बिनीका रुबेल ट्रम्पलम्यान उत्कृष्ट देखिए। उनले ३ विकेट हात पारे भने अभिषेश गौतम र गुलबुद्धिन नैबले २–२ विकेट लिए।
पहिलो खेलमै यस्तो प्रभावकारी प्रदर्शनसँगै लुम्बिनी लायन्स यस वर्षको एनपिएलमा बलियो दाबेदारको रूपमा देखिएको छ।
अध्यक्ष प्रकाशक तथा सम्पादक
सानुराज डंगोल
सूचना विभाग दर्ता प्रमाण पत्र नं- २३६५/
०७७-७८
