TOKHA LIVE
काठमाडौँ, १५ कात्तिक / आज वैदिक सनातन हिन्दू धर्मावलम्बीले भगवान् विष्णु र तुलसीबीचको दिव्य विवाह गरी हरिबोधिनी एकादशी पर्व श्रद्धा र उल्लासका साथ मनाउँदै छन्। आसार शुक्ल एकादशीमा क्षीरसागरमा शयनमा गएका भगवान् विष्णु आज ब्यूँझने भएकाले यस दिनलाई हरि बोधिनी वा प्रबोधिनी एकादशी भनिन्छ।
घरमा रोपिएको तुलसीको मठलाई गाईको गोबर र रातो माटोले पोतेर फूलमालाले सजाइन्छ, र तुलसीलाई भगवान् दामोदरसँग विवाह गरिन्छ। चार महिनादेखि रोकिएका माङ्गलिक कार्य आजदेखि पुनः शुभ मानिन्छन्।
तुलसीको धार्मिक र वैज्ञानिक दुवै महिमा रहेको छ। यसको सुगन्धले वातावरण पवित्र बनाउँछ, रोगप्रतिरोधात्मक क्षमता बढाउँछ र घरमा शान्ति ल्याउँछ भन्ने विश्वास छ।
आज भक्तजनले अन्न त्यागी फलाहार गर्दै स्नान, जप, दान र हवनमार्फत भगवान् विष्णुको आराधना गर्छन्। गरुड पुराण अनुसार तुलसीपत्र अर्पण गर्दा हजारौँ गाई दान गरेबराबर पुण्य प्राप्त हुन्छ।
यस अवसरमा भक्तपुरको चाँगुनारायण, ललितपुरको विशङ्खुनारायण, काठमाडौँका शेषनारायण र इचङ्गुनारायणलगायत देशभरका नारायण मन्दिरहरूमा विशेष मेला लागेको छ। यसै सन्दर्भमा टाेखामा हरिशयनी एकादशी देखि हरिबोधिनी एकादशी सम्म चार महिना चतुर्मास दाफा भजन र भजन राति पस्चिमा बाजा , खिं धोलक , ता, झ्याली , हार्मिनियम तबला बजाइ लोकलयमा आधारित थ्यासफु दाफा भजन ढोल बजाउँदै “ आरती नारायण शंखर याये। ” भन्ने नारा गुन्जिंदै श्रद्धा र भक्ति वातावरणमा भजन गाइन्छ। भनेहरिबोधिनी एकादशीको दिन बिहान तुलसी रोपि पुजा आरधना गरिन्छ र बेलुका आजैदेखी हलिबलीं प्रसाद स्कुलमा अन्नबाट विभिन्न देवदेविताको आकृती बनाएर पाँच दिन सम्म प्रत्येक दिन राती प्रदर्शन गरि प्रसाद बाढ्ने गरिन्छ।
अध्यक्ष प्रकाशक तथा सम्पादक
सानुराज डंगोल
सूचना विभाग दर्ता प्रमाण पत्र नं- २३६५/
०७७-७८
