TOKHA LIVE
काठमाडौँ, ८ कात्तिक : मुलुकको वर्तमान सुरक्षा अवस्थाको समीक्षा तथा आवश्यक कदमबारे छलफल गर्न प्रधानमन्त्री निवास बालुवाटारमा आज उच्चस्तरीय बैठक सम्पन्न भएको छ ।
प्रधानमन्त्री सुशीला कार्कीको अध्यक्षतामा बसेको उक्त बैठकमा गृहमन्त्री ओमप्रकाश अर्याल, गृहसचिव रामेश्वर दङ्गाल र चारै सुरक्षा निकायका प्रमुखहरू सहभागी हुनुहुन्थ्यो ।
प्रधानमन्त्रीको सचिवालयका अनुसार बैठकमा देशभरको सुरक्षा अवस्थाबारे विस्तृत जानकारी प्रस्तुत गरिएको थियो । हालका केही गतिविधि र सम्भावित प्रदर्शनका तयारीसम्बन्धी विषयमा पनि बैठकमा छलफल भएको जनाइएको छ ।
बैठकपछि गृहमन्त्री अर्यालले सञ्चारकर्मीसँग कुरा गर्दै भन्नुभयो, “सुरक्षा अवस्थाबारे हामीले सूक्ष्म विश्लेषण गरेका छौँ । विभिन्न समूहले प्रदर्शनका तयारी गरेका जानकारी प्राप्त भएका छन् । तर, आफ्ना राजनीतिक माग जिम्मेवार ढङ्गले राख्न सबै स्वतन्त्र छन्।”
उहाँले सरकार वार्ता र संवादको माध्यमबाट राजनीतिक विषयहरूको समाधान खोज्ने पक्षमा रहेको र संवादको ढोका सधैंँ खुला रहेको बताउनुभयो ।
अध्यक्ष प्रकाशक तथा सम्पादक
सानुराज डंगोल
सूचना विभाग दर्ता प्रमाण पत्र नं- २३६५/
०७७-७८
