TOKHA LIVE
काठमाडौँ, ३० भदौ ।
जेनजी आन्दोलनमा ज्यान गुमाएका मध्ये त्रिवि शिक्षण अस्पताल, महाराजगञ्जमा २८ जनाको पोस्टमार्टम पूरा गरिएको छ ।
फरेन्सिक विभागका प्रमुख डा. गोपाल चौधरीका अनुसार हालसम्म ४६ शव अस्पतालमा ल्याइएको छ । तीमध्ये २३ जनाको शव आफन्तले बुझेर लगिसकेका छन् भने ७ वटा शव अझै चिन्न सकिएको छैन । ती शवको पहिचानका लागि डिएनए परीक्षण, दाँत परीक्षण र फिङ्गरप्रिन्ट प्रयोग गर्नुपर्ने हुन्छ ।
डा. चौधरीले जानकारी दिँदै भन्नुभयो, “शवमध्ये धेरैमा गोली लागेको, जलन भएको र आन्तरिक चोटपटक देखिएको छ । हामीलाई प्राप्त पत्रअनुसार निरन्तर शवपरीक्षण भइरहेको छ ।”
यसैबीच, नवनियुक्त ऊर्जा, जलस्रोत तथा सिँचाइ, भौतिक पूर्वाधार तथा यातायात तथा सहरी विकासमन्त्री कुलमान घिसिङ शिक्षण अस्पताल पुगेर मृतकका आफन्तलाई भेट्नुभएको छ । अस्पतालमा अहिले पनि २२ जना घाइतेको उपचार जारी छ ।
अध्यक्ष प्रकाशक तथा सम्पादक
सानुराज डंगोल
सूचना विभाग दर्ता प्रमाण पत्र नं- २३६५/
०७७-७८
