काठमाण्डौ ,माघ ७।टोखा युवा क्लबको आयोजना दुई दिने दोस्रो टोखा युवा खुल्ला राष्ट्रिय रापिड बुद्धिचाल प्रतियोगिताको उपाधि ललितपुरका सुरोज महर्जनले हात पारेका छन्। केही दिन अगाडि मात्र सम्पन्न भएको छैटौं तुल्सीलाल स्मृति राष्ट्रिय टिम क्लव चेस च्याम्पियनसिपमा ललितपुर स्पोर्ट्स क्लवबाट खेलेका सुरोजले अन्तिम चरणको खेलमा काठमाडौका धिरेन राईलाई पराजित गरे।काठमाडौका सुदिप तामाङ दोस्रो र धिरेन राई तेस्रो स्थानमा रहेर क्रमशः १० हजार र ७ हजार नगद पुरस्कार पाउन सफल भऐ।टोखा नगरपालिका वडा नं ३ को आर्थिक सहयोगमा संचालन भएको प्रतियोगितामा झापाका शुसुरत दाहाल चौथो र सुमन लामा पाँचौ स्थानमा रहे।उत्कृष्ट लयमा रहेका सुरोजले आठ खेलमा जित निकालेका थिए भने छैटौं चरणको खेलमा शुुुसुरत दाहालसंग पराजित भए।उनले नगद १५ हजार हात पारे।साढे ७ अंक जोडेका सुदिपले नवौ चरणको खेलमा बिनय राइलाई हराएका थिए।साढे ७ अंक नै भए पनि धिरेन सुदिपसंग प्रोग्रेसिभ अंकमा पछाडि परे। शुसुरतले ५ हजार र सुमनले ४ हजार नगद पाए।
दशौंसम्मलाई नगद पुरस्कार रहेको प्रतियोगितामा झापाका सुमन मोक्तान,काठमाडौका पुरुषोत्तम सिलवाल, धनुषाका सुशील चौधरी , काठमाडौका सुभाष गुरुङ र प्रेमकृष्ण महर्जन छैटौं देखि दशौसम्म रहन सफल भएका छन्।त्यसैगरी अनरेटेडमा फुर्वा लामा उत्कृष्ट ठहरिए भने भेट्रानमा भक्तपुरका गणेशमान दुवाल पहिलो भए। महिलातर्फ काठमाडौका पुर्णिामा गुरुङ पहिलो भईन भने स्थानीय टोखामा जितेन्द्र डंगोल प्रथम भए।त्यसैगरी यु १४ मा छात्रातर्फ रिया श्रेष्ठ र छात्रमा अभिन पाण्डेले पहिलो स्थान हात पारे।प्रतियोगितामा विजेता खेलाडीहरुलाई टोखा नगरपालिकाका नगर प्रमुख प्रकाश अधिकारीले पुरस्कृत गरे।अन्तर्राष्ट्रिय आर्विटर ज्ञानेन्द्र खाईजुले संचालन गरेको दुई दिने प्रतियोगितामा १७८ जना खेलाडीहरुको सहभागी रहेको थियो।
