TOKHA LIVE
काठमाडौँ, २४ भदौः
देशभर फैलिएको जेनजी आन्दोलनको लहर आज टोखामा पनि उर्लियो। बिहान नारा लगाउँदै नगर परिक्रमा गरेका आन्दोलित युवाहरू दिउँसोतिर विभिन्न नेताको घरमा आक्रोशसहित धावा बोले।
टोका वडा नं. ४ मा पूर्वरक्षामन्त्री तथा उपप्रधानमन्त्री ईश्वर पोखरेलको घरमा आगजनी गरिएको छ। त्यस्तै वडा नं. ३ मा पूर्वप्रधानमन्त्री बाबुराम भट्टराईको निवासमाथि पनि भीडले आगो लगाएको छ। भने टाेखा नगर प्रहरी प्रभाग कार्यालय प्राङ्गणमा पनि नाराबाजी गर्दै माेटर साइकलमा आगो लगायर जलाएका थिए ।
त्यसपछि आक्रोश अझै बढ्दै गएपछि टोखामा वडा नं. २ स्थित कांग्रेस नेता शशांक कोईरालाको घरमाथि समेत आगजनी भयो। सोही क्रममा उग्र बनेको भीडले वडा नं. २ भिल्लीसम्म पुगेर टोखा नगरपालिकाका मेयर प्रकाश अधिकारीको घर पनि जलाइदिएको छ।
लगातारका यस्ता घटनाले टोखा क्षेत्र तनावग्रस्त बनेको छ भने स्थानीयवासी भयभीत भएका छन्। आन्दोलित भीडको आक्रोश कम गर्ने प्रयास भइरहेको प्रहरीले जनाएको छ।
अध्यक्ष प्रकाशक तथा सम्पादक
सानुराज डंगोल
सूचना विभाग दर्ता प्रमाण पत्र नं- २३६५/
०७७-७८
