TOKHA LIVE
काठमाडौँ, असार १२ ।
बुढानीलकण्ठ नगरपालिकाले आगामी आर्थिक वर्ष २०८२/८३ का लागि ३ अर्ब ४५ करोड रुपैयाँको बजेट पारित गर्दै १६औँ नगरसभा अधिवेशन सम्पन्न गरेको छ।
नगरपालिकाको सभाहलमा असार ११ गते बसेको चौथो बैठकबाट आर्थिक विधेयक, विनियोजन विधेयक र आर्थिक वक्तव्य अनुमोदन गरिएको हो। यसअघि तेस्रो बैठकमा प्रस्तुत गरिएका ती विधेयकमाथि छलफल र सुझाव संकलन गरिएको थियो।
गत वर्षको ३ अर्ब २५ करोडको तुलनामा यो वर्ष नगरको बजेट २० करोड रुपैयाँले वृद्धि भएको छ। नगरपालिकाले यो बजेट शिक्षा, स्वास्थ्य, पूर्वाधार विकास र सामाजिक कल्याणका कार्यक्रमहरूमा केन्द्रित गर्दै कार्यान्वयनमा लैजाने जनाएको छ।
नगर प्रमुख, उपप्रमुख, वडाध्यक्षहरू तथा नगर सभाका सदस्यहरूको सहभागितामा सम्पन्न अधिवेशनले बजेटसँगै नगरको भावी कार्यदिशा तय गरेको जनाइएको छ।
अध्यक्ष प्रकाशक तथा सम्पादक
सानुराज डंगोल
सूचना विभाग दर्ता प्रमाण पत्र नं- २३६५/
०७७-७८
