TOKHA LIVE
नविना श्रेष्ठ
काठमाडौं जेठ २९/ स्वास्थ्य तथा जनसङ्ख्या मन्त्री तथा काठमाडौँ क्षेत्र नम्बर ५ का प्रतिनिधिसभा सांसद प्रदीप पौडेलको सक्रिय पहलमा आगामी आर्थिक वर्ष २०८२/८३ का लागि यो क्षेत्रका विविध विकास योजना सार्वजनिक भएका छन्।
स्वास्थ्य मन्त्रीको अगुवाइमा सहरी विकास, भौतिक पूर्वाधार, स्वास्थ्य, जनसङ्ख्या, खेलकुद र खानेपानी मन्त्रालयमार्फत विभिन्न योजनाहरू अघि बढ्ने भएका छन्। ती योजनाहरूले काठमाडौँ क्षेत्र नम्बर ५ मा स्थानीय विकासको गति थप तीव्र बनाउने अपेक्षा गरिएको छ।
प्रस्तावित योजनाहरूमा:
🔹 धुम्बाराहीस्थित ऐतिहासिक मन्दिरको मर्मत र सौन्दर्यीकरण
🔹 टोखा–२ मा बज्रयोगिनी सडक स्तरोन्नति
🔹 टोखा–३ को बखुण्डोल गेटदेखि टोखामूलसम्मको बाइपास सडक निर्माण
🔹 स्वास्थ्य तथा खानेपानीका क्षेत्रमा जनमुखी योजना कार्यान्वयन
यी योजनाहरूले काठमाडौँ–५ का बासिन्दाको दैनिक जीवन सहज बनाउनुका साथै स्थानीय संस्कृति, पर्यटन, यातायात र आधारभूत सेवामा दीर्घकालीन प्रभाव पार्ने विश्वास लिइएको छ।
मन्त्री पौडेलले आफ्नो सामाजिक सञ्जालमार्फत भनका छन्, “जनताको विश्वासलाई कर्मबाट जवाफ दिने प्रतिबद्धताका साथ हामी योजनाहरूको पारदर्शी कार्यान्वयनमा जुटेका छौँ। तपाईंहरूको साथ र सुझाव हाम्रो लागि ऊर्जा हो।”
अझ विस्तृत योजना विवरण र बजेट विनियोजन केही दिनभित्र सार्वजनिक गरिने जानकारी मन्त्रालयले जनाएको छ।
अध्यक्ष प्रकाशक तथा सम्पादक
सानुराज डंगोल
सूचना विभाग दर्ता प्रमाण पत्र नं- २३६५/
०७७-७८
