TOKHA LIVE
टाेखा काठमाडौं, जेठ २५
विश्व वातावरण दिवसको अवसर पारेर टोखा नगरपालिकाले फोहोरमुक्त शहर अभियानलाई थप सशक्त बनाउँदै एउटा अनौठो र प्रभावकारी कदम चालेको छ। अब खोलामा फोहोर फाल्नेलाई मोबाइल एपमार्फत पहिचान गर्न सकिनेछ, अनि त्यही आधारमा जरिवाना पनि गरिनेछ।
टोखा नगरपालिकाले सार्वजनिक स्थल, सडक, मठमन्दिर र खोलामा फोहोर फाल्नेको सूचना संकलन गर्न नयाँ मोबाइल एप सार्वजनिक गरेको छ। विशेष कुरा के छ भने एपमार्फत फोटो खिचेर पठाउनेलाई नै नगरपालिकाले जरिवानाको ५० प्रतिशत पुरस्कारस्वरूप दिनेछ। अर्थात्, फोहोर देख्नुभयो? फोटो खिच्नुस्, एपमा पठाउनुस्, कारबाही हुनेछ र तपाईंले नगद पुरस्कार पाउनुहुनेछ।
टाेखा नगर प्रमुख प्रकाश अधिकारीले भन्नुभयो, “हामी सफा टोखा बनाउने संकल्पमा छौं। ल्याण्डफिल्डको अभाव छ, तर पुनःप्रयोग र पुनःचक्रणमा आधारित फोहोर व्यवस्थापनलाई प्राथमिकता दिंदै अगाडि बढेका छौं।”
यस अवसरमा आयोजित ठोस फोहोर पुनःप्रयोग तथा पुनःचक्रण अन्तरविद्यालय प्रदर्शनीमा टोखाका १८ वटा विद्यालयले भाग लिएका थिए। उत्कृष्ट कार्य प्रस्तुत गर्ने विद्यालयलाई नगदसहित प्रमाणपत्र प्रदान गरियो।
विष्णुमती सफाई अभियान अन्तर्गत खोलामा ५० हप्ता निरन्तर पस्ने १८ जना सफाईकर्मीहरूलाई नगदसहित सम्मान गरियो।
तीन उत्कृष्ट फोहोर संकलन कम्पनीहरू –
सफाई अभियन्ता, पत्रकार, सुरक्षा निकाय र वडास्तरीय जनप्रतिनिधिहरूलाई पनि कार्यक्रममार्फत सम्मान गरिएको थियो।
सम्मानित हुनेमा पत्रकार सुशान्त न्यौपाने, अभियन्ता रेणु अधिकारी, विदुर राना मगर, कविन्द्र थापा, वडासदस्य अनुप राई, तथा सशस्त्र प्रहरी बल नेपाल, पूर्व प्रहरी संगठन, र लायन्स क्लब अफ काठमाडौं आशीर्वाद रहेका छन्।
कार्यक्रममा बोल्दै शिलशिला आचार्य, अभ्नी भेन्चर्सकी निर्देशकले प्लास्टिक मुक्त टोखा बनाउन स्थानीय सरकारको प्राथमिकता अपरिहार्य भएको बताइन्।
“नेपालमा हरित अर्थतन्त्र निर्माणको सपना पुरा गर्न सकिन्छ, यदि फोहोर व्यवस्थापनमा सशक्त नीति र नागरिक सहभागिता रहेमा,” उनले भनिन्।
कार्यक्रमको समापन वातावरण तथा विपद् शाखा प्रमुख ई. अनुषा शर्माको सञ्चालनमा सम्पन्न भयो।
अध्यक्ष प्रकाशक तथा सम्पादक
सानुराज डंगोल
सूचना विभाग दर्ता प्रमाण पत्र नं- २३६५/
०७७-७८
