TOKHA LIVE
टोखा काठमाडौं ७ जेठ / टाेखा नगरपालिका क्रिकेट कप अन्तर्गत आजको खेलमा दिभाइन स्कुलले सरस्वती माविलाई ८ रनले पराजित गर्दै महत्त्वपूर्ण जित हात पारेको छ।
पहिलो ब्याटिङ गरेको दिभाइन स्कुलले ८ ओभरमा ८६ रन बनायो। टोलीका तर्फबाट साहबज आलमले ३० बलमा उत्कृष्ट ४८ रनको योगदान दिए भने शिशिर चौहानले १० बलमा ८ रन बनाएर साथ दिए। सरस्वती माविका सुमन श्रेष्ठ र निखिल शर्माले एक-एक विकेट लिए।
जवाफमा उत्रिएको सरस्वती मावि ८ ओभरमा ७८ रनमै सीमित रह्यो। कप्तान कृष्णनाथ योगीले २८ बलमा ३५ रन बनाउँदै टोलीलाई जितको नजिक पुर्याए पनि अन्त्यसम्म पुग्न सकेनन्। दिभाइन स्कुलका साहबज आलम बलिङमा पनि चम्किए – २ ओभरमा २ विकेट लिँदै ७ रनमात्र दिए।
उनको उत्कृष्ट प्रदर्शनकै कारण साहबज आलम आजको खेलको प्लेयर अफ द म्याच घोषित भए। एकै साथ ब्याट र बलिङमा योगदान दिँदै उनले टिमलाई जित दिलाउनु मात्र होइन, प्रतियोगितामा आफ्नो उपस्थिति पनि बलियो बनाएका छन्। खेलले दर्शकहरूमा रोमाञ्चकता थपेको थियो भने दुबै टोलीको प्रतिस्पर्धा सराहनीय रह्यो।
अध्यक्ष प्रकाशक तथा सम्पादक
सानुराज डंगोल
सूचना विभाग दर्ता प्रमाण पत्र नं- २३६५/
०७७-७८
