TOKHA LIVE
टोखा लाइभ।, वैशाख २४,२०८०
काठमाडौं–नयाँ फिल्म ल्याउने योजना बनाइरहेका बलिउडका अभिनेता आमिर खान १० दिनका लागि काठमाडौं आएका छन् ।
अभिनेता खान काठमाडौंको बुढानीलकण्ठस्थित विपश्यना ध्यान केन्द्रमा १० दिन ध्यानमा बस्ने उद्देश्यले आएका हुन् । उनी भिस्तारा एअरको उडान नम्बर युके १५१ मा मुम्बईबाट काठमाडौं आएका हुन् ।
आज बिहान १० बजे त्रिभुवन अन्तर्राष्ट्रिय विमानस्थल आइपुगेका खानलाई व्यवसायी रुप ज्योतिले स्वागत गरे । रुप ज्योति हाल विपस्यना ध्यान केन्द्रका केन्द्राचार्य पनि हुन् ।
ज्योतिले अभिनेता खान ध्यानका लागि नेपाल आएको जानकारी दिदै उनको अन्य कार्यक्रम भने नरहेको बताए । खानलाई विमानस्थलबाट सोझै बुढानीलकण्ठ लगिएको थियो । उनी १० दिन मौन बस्नेछन्।विपश्यना ध्यान केन्द्र बुढानिलकण्ठ नगरपालिकाको मुहान पोखरीमा रहेको छ। यसअघि उनी सन् २०१४ मा राष्ट्रसंघीय नियोग युनिसेफको दूतको रुपमा काठमाडौं आएका थिए ।
अध्यक्ष प्रकाशक तथा सम्पादक
सानुराज डंगोल
सूचना विभाग दर्ता प्रमाण पत्र नं- २३६५/
०७७-७८
