•            
    • Hikmat Dangol

    • ११ आश्विन २०७९, मंगलवार २०:०६

    अन्जन विष्टको ह्याट्रिकसँगै बंगलादेशमाथि नेपालको ३-१ को जित

    टोखा लाइोभ । ११ असोज २०७९

    काठमाडौं । अन्जन विष्टले ह्याट्रिक गरेपछि नेपालले बंगलादेशविरुद्ध मैत्रीपूर्ण फुटबल खेलमा ३-१ ले गोलले जित निकालेको छ । दशरथ रंगशालामा मंगलबार साँझ भएको खेलमा नेपालले बंगलादेशलाई ३-१ गोलले हरायो ।

    नेपालले सबै गोल पहिलो हाफमा गरेको थियो । नेपालको जितमा अन्जन विष्टले पहिलो हाफमै ह्याट्रिक पूरा गरेका हुन् । १८औं मिनेटमा खाता खोलेका अन्जनले २७औं र ३८औं मिनेटमा गोल गर्दै ह्याट्रिक पूरा गरेका थिए । उनी अन्तर्राष्ट्रिय फुटबलमा ह्याट्रिक गर्ने नेपालका छैटौं खेलाडी समेत बनेका छन् ।

    यससँगै अन्जनले राष्ट्रिय टोलीका लागि ब्यक्तिगत १० गोल गरेका छन् । बंगलादेशका लागि सजाद होसेनले ५५औं मिनेटमा एक गोल गरे ।

    यसैबीच बंगलादेशविरुद्ध खेलबाट नेपालका ऋतिक खड्का र आशिष चौधरीले राष्ट्रिय टोलीमा डेब्यू गरेका छन् । ऋतिक ८१औं मिनेटमा सेसेहाङ आङ्देम्वेको स्थानमा तथा आशिष विमल घर्तीमगरको स्थानमा मैदान प्रवेश गरेका थिए ।

     

    Facebook Comments

  • सिफारिस सबै
  • छुटाउनुभयो कि? सबै