•            
    • Hikmat Dangol

    • ३ असार २०७८, बिहीबार ०७:४०

    प्राकृतिक विपत्तिसँग लड्न सबै संयन्त्र ‘हाई अलर्ट’मा रहन गृहको निर्देशन

    टोखा लाइभ । २०७८ असार ३ गते ।

    काठमाडौं । गृह मन्त्रालयले मनसुनका दौरान आउन सक्ने बाढी पहिरो र डुवानको समस्याका कारण उच्च सतर्कतामा रहन आफ्नो मातहतका सबै निकायलाई निर्देशन दिएको छ । उच्च जोखिममा रहेका बस्तीमा आवश्यक सतकर्ता अपनाउन समेत गृहले सम्वन्धित जिल्ला प्रशासन कार्यालयलाई सचेत गराएको छ ।

    विभिन्न नदी किनारा, खोला, खहरे तथा खोल्सा नजिकका वस्तीहरु बाढीपहिरो र डुवानको उच्च जोखिममा रहेको भन्दै गृहले वस्तीमा सम्भावित विपद् सम्वन्धी पूर्वसूचना ‘हाइ अलर्ट’ गर्न निर्देशन दिएको हो ।
    डुबान हुने, बाढीपहिरो आउने र खोल्सा नजिकको बस्ती भासिने समस्या देखिने भन्दै गृहले जोखिममा रहेका वस्ती सार्न समेत निर्देशन दिएको छ । गृहले ७७ वटै जिल्ला प्रशासन कार्यालय प्रमुखलाई सम्भावित मनसुन जन्य जोखिमबाट जोगिन उच्च सतर्कता अपनाउन भनेको छ ।

    सो क्रममा आवश्यक सूचना तथा सुुरक्षा, उद्धार तथा उपचार, राहत र पुनस्र्थापना कार्य तयारी थाल्न समेत गृहले निर्देशन दिएको छ । पश्चिम नेपालको सुर्खेत, मध्यपश्चिमा पोखरा, काठमाडौँ, तराई मधेशको जनकपुर र विराटनगर गरी पाँचस्थानमा हेलिकप्टर सहितको उद्धार टोली खटिएको बताइएको छ ।

    Facebook Comments

  • सिफारिस सबै
  • छुटाउनुभयो कि? सबै