Hikmat Dangol
संधै यसरी हेरिरहुँ भन्छन्
छाँयालेझैं पछ्याइ रहन्छन्
तिम्रा पाइला जहाँ जान्छन्
बदमास मेरा यि आँखाहरु
चिम्लेर निँदाउदा नि त्यस्तै
एकान्तमै टोलाउँदा नि उस्तै
झल्झली तिम्रै बोकिरहन्छन्
चन्चल आवारा यि आँखाहरु
मनसंग कहिले रमाइ खेल्छन्
कहिले निरासाले भिजाउँछन्
जताततै तिमी खोजिरहन्छन्
पागल बिचरा मेरा आँखाहरु
अनेक सपना सजाइ रहन्छन्
क्षितिज नियाली पर्खेर बस्छन्
तृष्णा बोकी छटपटाइरहन्छन्
लोभी बेसहारा मेरा आँखाहरु
– ओमशंकर श्रेष्ठ –
६ , असार , ०७७
