•            
    • TOKHA LIVE

    • १२ आश्विन २०७८, मंगलवार ११:३८

    भेडा बाख्रा

    – बाबुराम गौतम 

    संवैधानिक, कानुनी र राजनीतिक मुद्दा
    देश जनता भाँडमा गए स्वार्थतिर कुद्दा
    संसदीय परम्पराको छैन कोहीलाई हेक्का
    कर्मचारी कार्यकारी, न नेताको लेखा

    सेटिङमा के रिट लाने के फैसला हुने
    ऐन कानुन एकातिर आदेश आकाश छुने
    कसरी हो भन्ने हामी न्याय पवित्र छ
    बहुदलीय व्यवस्थामा निर्दल चरित्र छ

    समामुख र न्यायाधीस कार्यकारी भाछन्
    बोकाहरुको दाई हो कि साढे पाखा लाछन्
    फ्लरक्रस अराजनैतिक, अनैतिक हैन ?
    संसदीय व्यवस्था रे दलको भूमिका छैन ?

    मान्छे विद्वान भए पनि आस्था कारण अन्धा
    अध्यादेश खेती लाज भो प्रजातान्त्रिक भन्दा
    चोरी गर्न भरेङ ल्यायो, फिर्ता गरिदियो
    असंसदीय गैरकानुनी त्यो हर्कत थियो

    सत्तापक्ष डरमर्दो छ गठबन्धन रुप
    आफ्नैसँग छिनाझपट बाझाबाझ खुब
    राजनीति अस्थिरता सिर्जी लहरा झेक्रा
    आफ्नै दल फुटाएर किनबेच भेडा बाख्रा

    Facebook Comments

    सम्बन्धित खवर

    एमसिसी : कसका लागि के ?

    संसाक स्रष्टा सम्मान – २०७८ समर्पण

    घर फर्किरहेको मान्छे

    योनी बोकेका मान्छेहरू

    फेरिन नसकेको लोभी मन – एक कथा

    सिफारिस सबै
  • छुटाउनुभयो कि? सबै