• TOKHA LIVE

  • ३० भाद्र २०७८, बुधबार ०९:४८

एमसिसी : कसका लागि के ?

 

– मनोज गजुरेल

प्रकाशित मिति: ३० भाद्र २०७८

ओलीकालागि एमसिसी,
आए आँप गए झटारो !
प्रचण्डकालागी एमसिसी,
भालुको कनपट, समात्नु न छोड्नु !
देउवाकालागि एमसिसी,
कि हस्तिनापुरको राज कि चपरी मुनीको बास !

माधव नेपालकालागि एमसिसी,
खाई न पाई छालाको टोपी लाई !
उपेन्द्र यादबकालागी एमसिसी,
जसको लाठी उसको भैंसी !
महन्त ठाकुरका लागि एमसिसी,
भोको पेटले सोच्न सक्दैन !
कमल थापाकालागी एमसिसी,
जसको शक्ति उसको भक्ती !

बाबुरामकालागि एमसिसी,
माग्नेलाई छान्ने अधिकार हुँदैन !
चित्रबहादुरकालागि एमसिसी,
हिस्स बुढी हरिया दाँत !
आएनजिओका लागि एमसिसी,
अजिङ्गरको आहारा दैवले जुराउँछ !
पत्रकारकालागी एमसिसी,
धन भनेपछी महादेवका तीन नेत्र !

पावर ब्रोकरकालागी एमसिसी,
मौकामा हिरा फोर्नुपर्छ !
ठेकेदारकालागी एमसिसी,
लुटको धन फुपुको श्राद्ध !
राजाबादीकालागी एमसिसी,
दैवले दिन्छ पितृले हर्छ !

अमेरिकाकालागी एमसिसी,
पशुपतिको दर्शन सिद्राको ब्यापार !
चाईनाकालागि एमसिसी,
दुस्मन खोज्न टाढा जानू पर्दैन !
भारतकालागी एमसिसी,
ईलाका मेरा धमाका तेरा !

जनताकालागी एमसिसी,
कुसाईतमा पञ्चैबाजा !
देशकालागी एमसिसी,
डोकोमा दूध दुहेर अडिंदैन !

Facebook Comments

सम्बन्धित खवर

संसाक स्रष्टा सम्मान – २०७८ समर्पण

घर फर्किरहेको मान्छे

योनी बोकेका मान्छेहरू

फेरिन नसकेको लोभी मन – एक कथा

छैन कुनै जात र भात

सिफारिस सबै
  • छुटाउनुभयो कि? सबै