•            
    • Hikmat Dangol

    • ३० असार २०७७, मंगलवार १९:२७

    टेक्सासमा ‘कोभिड पार्टी’ नामको अनौठो भोज खाँदा ३० वर्षीय युवाको मृत्‍यु

    ‘मलाई लाग्छ मैले गल्ती गरें । मैले सोचें यो झुटो हो तर यो सत्य रहेछ’ ।

    द न्युयोर्क टाइम्स । माथिका हरफहरु ३० बर्षीय एक कोरोना बिरामीको अन्तिम वाक्यांस हो । जसको मृत्‍यु टेक्सासको सान अन्टोनियोस्थित मेथोडिड हस्पिटलमा भयो । ती युवा कथित ‘कोभिड पार्टी’ नाम दिईएको एक भोजमा सहभागी भएपछि संक्रमित भएको अस्पतालले जनाएको छ । मेथोडिड हस्पिटल एण्ड मेथोडिड चिल्ड्रेन हस्पिटलका चिफ मेडिकल अफिसर जेन एप्पलबीले अस्पतालद्वारा जारी भिडियोमा “कोभिड -१९ को कारण मृत्‍यु भएका ३० बर्षीय युवक जो एक कोरोना संक्रमितले आयोजना गरेको भोजमा सहभागी भएपछि संक्रमित भएको” बताएकी छिंन् । कोरोना झुटो हो कि ? हल्ला मात्र हो कि ? वा साँच्चै हो ? भनेर बुझ्नको लागि मात्र आयोजना गरिएको त्यो ‘कोभिड पार्टि’ नाम दिएको भोजमा सहभागी ती युवाले अस्पतालको नर्सलाई बताएको अस्पताल कि चिफ मेडिकल अफिसर एप्पलबीले बताएकी हुन् । मृतक ३० बर्षीय युवाको परिचय र पार्टी आयोजकको नाम गोप्यता कानूनका कारण अस्पतालले सार्वजनिक गरेको छैन । कहाँ र कहिले ‘कोभिड पार्टी’ आयोजना गरिएको थियो त्यो पनि अस्पतालले सार्वजनिक गरेको छैन । पार्टीमा कति जना सहभागी थिए ? पार्टीमा सहभागी भएको कति दिनपछि ती युवा अस्पताल भर्ना भए, त्यो पनि भनिएको छैन । डा एप्पलबीले “बिशेष गरी टेक्सासबासीहरुका लागि जँहा संक्रमितको संख्या बढीरहेको छ त्यहाँका मानिसहरुलाई सतर्क गराउन यो कहानी सेयर गरेको” बताएकी छिंन् । कुनै संक्रमित ब्यक्तिद्वारा ‘कोभिड पार्टी’ नाम दिएर आयोजित जमघटमा आफु सहभागी भएको कुरा मृतक युवाले मृत्‍यु हुनु पूर्व आफ्नो उपचारमा संलग्न नर्सलाई बताएको समेत भिडियो बिज्ञप्तिमा जनाईएको छ । तर यसै सप्ताहन्त अस्पातलले जारी गरेको भिडियोमा उक्त ३० बर्षीय युवाको दु:खद अन्त्य डा एप्पलबीले बताएकी छन् ।

    .

    यद्यपी स्वास्थ अधिकारी र सरकारी अधिकारीहरुले भनें “कोभिड पार्टी” वास्तव मै आयोजना भै रहेको छ कि छैन भन्ने कुरामा शंका व्यक्त गरेको न्युयोर्क टाईम्सले जनाएको छ । सोमवार सान एन्टोनियोस्थित हेल्थ डिपार्ट्मेन्ट्ले आफुसँग त्यस्तो भोज आयोजना भएको वा नभएको कुनै सुचना नभएको प्रतिकृया दिएको टाईम्सले लेखेको छ । अस्पतालले बिरामीको गोप्यताको कानून भन्दै मृतकको परिचय सार्वजनिक गर्न मानेको छैन भने अस्पताल मार्फत मृतकको परिवारसँग कुराकानी गर्ने प्रयास गर्दा परिवारले अस्विकार गरेको न्युयोर्क टाईम्सले जनाएको छ । अस्पतालकी प्रबक्ता लौरा ब्रिडेनले ‘म त्यहाँ थिईन तर हाम्रो चिफ मेडिकल अफिसर एप्पलबीले भनेको कुरा म विश्वास गर्दछु’ ।

    टेक्सासमा जुलाई १२ सम्म २ लाख ६५ हजार संक्रमित र ३ हजार २ सय ५२ को मृत्‍यु भै सकेको छ ।

    Facebook Comments

  • सिफारिस सबै
  • छुटाउनुभयो कि? सबै