•            
    • Hikmat Dangol

    • २८ असार २०७७, आईतवार ०८:००

    नेपालमा अझै टरेन सलहको जोखिम, अर्को झुण्ड छिर्न सक्ने सम्भावना

    टोखा लाइभ । नेपालमा सलहको अर्को झुण्ड छिर्न सक्ने जोखिम बढेको छ । भारतको उत्तर प्रदेशको कानपुर र इटावाको बीचमा पर्ने औरैया आसपासमा सलहका दुई झुण्ड रहेको र यी झुण्ड नेपाल छिर्ने सम्भावना रहेको सरकारले बताएको छ । दुई झुण्डले करिब १५० हेक्टर क्षेत्रफल ओगटेका छन् ।

    प्लान्ट क्वारेन्टिन तथा विषादी व्यवस्थापन केन्द्र अन्तर्गत रहेको सूचना केन्द्रका अनुसार हावाको वहावले यी झुण्डलाई नेपाल ल्याउन सक्ने सम्भावना रहेको छ । हावाको बहावले सलहको झुण्ड पूर्वतर्फ वाराणसी हुँदै मुजफ्फरपुर र दरभंगाको आसपासका क्षेत्रमा आउने सम्भावना रहेको बताइएको छ ।

    यसरी आएका सलहमध्ये नेपालको धनुषा, महोत्तरी, सर्लाही क्षेत्रबाट नेपालतर्फ आउन सक्ने छन् । उता, राजस्थानमा समेत ठूलो संख्यामा सलहका झूण्ड रहेको बताइएको छ ।

    यी झुण्डसमेत दक्षिण पश्चिमतर्फ बहेको वायुसँगै नयाँदिल्ली आसपासका क्षेत्र हुँदै उत्तर प्रदेशका मुरादावाद, बरेली तथा शाहजहाँपुरतर्फ अगाडि बढ्न सक्ने पूर्वानुमान गरिएको छ । त्यसो भएमा समेत नेपालमा कोरोनाको दोस्रो झुण्ड आउन सक्ने भएको छ ।

    Facebook Comments

  • सिफारिस सबै
  • छुटाउनुभयो कि? सबै