•            
    • Hikmat Dangol

    • १३ श्रावण २०७७, मंगलवार ०८:४५

    अमेरिकाको टेक्सासमा २३ वर्षीय युवतीको डुंगाबाट खसेर मृत्यु

    • सविना मुनाकर्मी (टेक्सास संवाददाता)

    टेक्सास। टेक्सास राज्यको लुइसभिल तालमा डुबेर २३ बर्षिय नेपाली बिद्यार्थी अश्मिता खनालको निधन भएको छ । गत आईतबार जुलाई २६ का दिन खनाल डुंगाबाट खसेर उनको निधन भएको हो ।

    टेक्सासकै विश्व विधालयमा अध्ययन गर्दै गरेकी खनाल उक्त तालमा डुबे पछि उनलाई गोताखोरहरुले ५ घन्टाको खोजपछि उनको शव फेला पारेका थिए । उनको शवलाई हाल टेक्ससकै टेरंट काउन्टी स्थित चिकित्सा शव जाँच केन्द्रमा राखिएको छ ।

    उनको निधन पछि उनको सहयोगको लागि गो फन्ड खोलिएको छ । उनको दाहसंस्कारको लागि ३० हजार डलर सङ्कलन गर्ने लक्ष्य राखिएको केही घण्टा मै ११ हजार डलर उठी सकेको छ ।

    नजिकका नातेदार तथा परिवार सदस्यहरुले कानुनी रुपमा दाह संस्कार गरिने सम्बन्धमा काम गरि रहेको नेपाली समुदायले जनाएका छन ।

    खनालको सामाजिक संजाल(फेसबुक-मुहार पुस्तिका)मा आफु काठमाडौँ घर भएको उनले उल्लेख गरेकी छिन् । अमेरिका उच्च अध्ययनमा आएकी खनाल उक्त तालमा साथीहरुसंग गएकी थिइन । श्रोतका अनुसार अन्य साथीहरुले सुरक्षाको लागि प्राण रक्षक वस्त्र (लाइफ ज्याकेट) लगाएका थिए भने उनले लगाएकी थिइनन ।उनी एक्कासी डुँगामा चिप्लिएर खसेकी थिईन । उनको साथीले हात दिएर तान्न खोज्दा असफल भएकी थिईन।

    स्थानीय फक्स ४ न्युज डटकमका अनुसार डेन्टन काउन्टीका एक खेल रक्षक(वार्डन)ले ३ बजे भन्दा पहिले हराएको खबर पाएपछि खोजी सुरु भएको थियो भनि समाचार प्रकाशित गरेको छ ।

    उनी हाईल्याण्ड गाउँको एक डुंगामा सवार थिइन भनेर बताइएको छ।

    Facebook Comments

  • सिफारिस सबै
  • छुटाउनुभयो कि? सबै