•            
    • TOKHA LIVE

    • १८ पुष २०७८, आईतवार २०:१०

    रत्नप्रसाद अनामणिद्धारा लिखित ‘पनौती मकर मेलामा’ गीत रेकर्ड

    टाेखालाइभ डट कम/पौष १८,२०७८

    काठमाडौं । गीतकार तथा साहित्यकार रत्नप्रसाद श्रेष्ठ अनामणिद्वारा लिखित तामाङ सेलो ‘पनौती मकर मेलामा’ बोलको गीत रेकर्डिङ सम्पन्न भएको छ । प्रत्येक बाह्र वर्षको एक पटक आउने काभ्रे जिल्लाको पनौतीमा लाग्ने मकर मेलाको विषयवस्तु  गीतमा समेटिएको छ । मकर मेलामा जाँदा मायाप्रीति लगाउन गीतकारले अपिल गरेका छन् । मकर मेलामा जाँदा त्यहिंको योमरी र चटामारीको स्वाद लिँदै माया प्रीति  लगाउने भाव गीतमा समेटी गितकारले रोमान्चित शैलीमा गितलाई  रचना गरेका छन्।

    काठमाडौंको डिल्लीबजारमा रहेको हार्मोनिक स्टुडियोमा गीत रेकर्ड गरिएको हो । यो गीतमा संगीतकार विक्रम थापाले संगीत दिएका छन् । गीतमा पुरुष तर्फको स्वर पनि थापाकै रहेको छ भने केटी तर्फको स्वर बिनुसा राईले दिएकी छिन् ।

    गीतले काभ्रेको पनौती र नाला क्षेत्रमा आन्तरिक पर्यटनलाई बढाउन मद्दत गर्ने अपेक्षा गरिएको छ । स्थानीय स्थानहरुको परिचयको सन्दर्भमा गीतमा अनेकौं स्थानका नामहरु लिइएको छ ।

    गीतमा भिडियो बनाउन सकेदेखि र स्थानीय सरकारले गीतलाई प्राथमिकता दिएको खण्डमा काभ्रेमा पर्यटकहरुको आगमन बढाउन सकिने देखिन्छ ।

    संगीतकार विक्रम थापाले गीत सान्दर्भिक बनेको धारणा राखे । तामाङ सेलोसँग पश्चिम नेपालको संगीत मिसावट गरेर तयार गरेको संगीतमा ६० को दसकतिर सांगीतिक उद्योगमा आएको पप प्याटर्नको मिठास छ । लोकलयका कारण गीत सान्दर्भिकता झन् बढेको छ ।

    Facebook Comments

  • सम्बन्धित खवर
    सिफारिस सबै
  • छुटाउनुभयो कि? सबै